جالعان ۆاكسينا پاسپورتىن ساۋدالاۋ ءالى دە تىيىلار ەمەس
جامبىل وبلىسى اسا اۋىلىنا قاراستى ەمحانا قىزمەتكەرلەرى قۇجاتتى 15 مىڭ تەڭگەگە ساتقان، دەپ حابارلايدى Almaty-akshamy.kz.
Almaty.tv cايتىنىڭ حابارلاۋىنشا، ولار ەكپە الماعان ادامداردى ۆاكسينا الدى دەپ كورسەتىپ، دەرەكتەر بازاسىنا ەنگىزىپ وتىرىپتى. بۇل تۋرالى قۇقىق قورعاۋ ورگاندارىنا جەرگىلىكتى تۇرعىنداردىڭ ءبىرى حابارلاعان. دەرەك بويىنشا، قارجىلىق مونيتورينگ اگەنتتىگى كۇدىككە ىلىنگەندەردى تەرگەپ جاتىر. پوليسيا تەكسەرۋى كەزىندە جالعان پاسپورتقا تاپسىرىس بەرگەندەر دە انىقتالادى.
«قارجىلىق مونيتورينگ اگەنتتىگى جالعان COVID-19 ۆاكسينا پاسپورتتارىن جانە پتر-تەستىلەۋ ناتيجەلەرىن دايىنداۋ جانە تاراتۋ دەرەكتەرىن انىقتاۋ جانە جولىن كەسۋ بويىنشا كۇشەيتىلگەن جۇمىس جۇرگىزۋدە. بۇگىنگى تاڭدا اگەنتتىك جالعان ۆاكسينا پاسپورتىن جاساعان 30 دەرەكتى اناقتادى»،– دەدى ق ر قارجىلىق مونيتورينگ اگەنتتىگىنىڭ وكىلى گاۋحار ساپاربايەۆا.