الماتى اسكەريلەرى ساعادات نۇرماعامبەتوۆتى ەسكە الدى

شاراعا اسكەريلەرمەن بىرگە مارقۇمنىڭ قىزى دا قاتىستى.

كەڭەس وداعىنىڭ باتىرى، حالىق قاھارمانى، تاۋەلسىز ەلىمىزدىڭ تۇڭعىش قورعانىس ءمينيسترى ساعادات نۇرماعامبەتوۆ تۇرعان ءۇيدىڭ جانىنداعى مەموريالدىق تاقتاعا گۇل شوقتارىن قويۋ ءراسىمى ءوتتى، دەپ حابارلايدى Almaty-akshamy.kz ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.

«ساعادات قوجاحمەت ۇلى نۇرماعامبەتوۆ – ەل اسكەرىنىڭ ماقتانىشى ءارى ارميانىڭ ىرگەتاسىن قالاۋشى. ق ر قارۋلى كۇشتەردىڭ بارلىق جاۋىنگەرلىك بۋىنى ءۇشىن ول تاباندىلىقتىڭ، باتىلدىقتىڭ جانە وتان الدىنداعى انتىنا شىن بەرىلگەن تۇلعانىڭ ۇلگىسى. ءبىز ونىڭ كىتاپتارىن، ەستەلىكتەرىن، مايدانداعى ەرلىگى مەن بەيبىت ۋاقىتتا جانقيارلىق ەڭبەكتەرىن ءبىلىپ تاربيەلەندىك. ونىڭ وزىنە ءتان قايسارلىق، ماقسات قويعىشتىق جانە اسكەري انتقا ادالدىق سەكىلدى قاسيەتتەرىنىڭ ارقاسىندا قازاقستان اسكەرى مۇراسىن ساقتاپ قانا قويماي، ونى دامىتتى»، - دەدى دەسانتتىق-شابۋىلداۋ اسكەرلەرى قولباسشىسىنىڭ تاربيە جانە يدەولوگيالىق جۇمىستار جونىندەگى ورىنباسارى رادجان جانىسوۆ.

ارميا گەنەرالى ساعادات نۇرماعامبەتوۆ 1924 جىلى 25 مامىردا سەلينوگراد وبلىسى الەكسەيەۆ اۋدانىندا دۇنيەگە كەلگەن.