بۇل تۋرالى ماجىلىستە ىشكى تۋريزم تاقىرىبىنا ارنالعان ۇكىمەت ساعاتىندا ق ر مادەنيەت جانە سپورت ءمينيسترى داۋرەن ابايەۆ مالىمدەدى.
2021 جىلعى 9 ايدىڭ قورىتىندىسى بويىنشا ىشكى تۋريستەر سانى 5،2 ملن ادامدى قۇراعان. ءمينيستردىڭ ايتۋىنشا، وتكەن جىل ۇلتتىق پاركتەرگە تۋريستەردىڭ ەڭ كوپ كەلگەن جىلى بولدى، دەپ حابارلايدى Almaty-akshamy.kz
«مەملەكەت باسشىسى مينيسترلىككە تۋريزم سالاسىن ەل ەكونوميكاسىن دامىتاتىن درايۆەرگە اينالدىرۋدى جۇكتەدى. بىزدە بۇعان قاجەتتى رەكرەاسيالىق، ەكولوگيالىق، ينۆەستيسيالىق جانە ادامي سياقتى رەسۋرستاردىڭ ءبارى بار. ەپيدەميولوگيالىق جاعداي مەن شەكاراداعى كارانتيندىك شەكتەۋ شارالارىنىڭ سەبەبىنەن كەلۋ ءتۋريزمى بويىنشا كورسەتكىشتەردىڭ ايتارلىقتاي تومەندەگەنى بەلگىلى. دەگەنمەن، كارانتيندىك تالاپتار جەڭىلدەگەننەن كەيىن ءبىرقاتار كورسەتكىشتەردىڭ، ونىڭ ىشىندە ىشكى ءتۋريزمنىڭ دە جاقسارعانى بايقالىپ وتىر. 2021 جىلعى 9 ايدىڭ قورىتىندىسى بويىنشا، ىشكى تۋريستەر سانى 5،2 ملن ادامدى قۇرادى. بۇل، 2019 جىلعى كارانتينگە دەيىنگى كورسەتكىشپەن سالىستىرعاندا، 100 مىڭ ادامعا ارتىق»، - دەدى د. ابايەۆ.
2021 جىلى تۋريستەر سانى 2019 جىلمەن سالىستىرعاندا 300 مىڭعا كوبەيىپ، 1،5 ملن ادامدى قۇراعان. اسىرەسە، الماتى تاۋ كلاستەرىنىڭ ۇلتتىق پاركتەرىنە كەلۋشىلەردىڭ ەسەلەپ ارتقانىن ايتۋ كەرەك: ىلە الاتاۋى (212 مىڭنان 430 مىڭعا دەيىن)، كولساي (83 مىڭنان 160 مىڭعا دەيىن) جانە شارىن.
«بۇل ۇلتتىق پاركتەرگە ءوز جوبالارىن تابيعاتقا زيان كەلتىرمەي جۇزەگە اسىراتىن ينۆەستورلاردى تارتۋ ءىسىنىڭ تيىمدىلىگىن تاعى ءبىر مارتە دالەلدەيدى. سونداي-اق ورنالاستىرۋ ورىندارى كورسەتەتىن قىزمەت كولەمى دە وسۋدە. مىسالى، وتكەن جىلعى 9 ايدىڭ قورىتىندىسى 2020 جىلدىڭ سايكەس كەزەڭىمەن سالىستىرعاندا 66%-عا وسكەنى بايقالادى. ورنالاستىرۋ ورىندارى 182 بىرلىككە، ال ولاردىڭ ءبىرجولعى سىيىمدىلىعى 9 مىڭنان استامعا كوبەيدى. ياعني ءبىرجولعى تارتىپتە 200 مىڭعا جۋىق ادامدى قابىلداي الامىز»، - دەدى مينيستر.