بۇل تۋرالى ۇلتتىق ەكونوميكا ءمينيسترى الىبەك قۋانتىروۆ مالىمدەدى.
ۆيزا قازاقستان ەكونوميكاسىنا 300 مىڭ دوللاردان استام ينۆەستيسيا قۇيعان كاسىپكەرلەرگە بەرىلەدى، دەپ حابارلايدى Almaty-akshamy.kz
ارنايى ەكونوميكالىق ايماق قىزمەتىنىڭ تيىمدىلىگىن ارتتىرۋ ماقساتىندا ءبىرقاتار شارالار ازىرلەنىپ جاتىر.
قازاقستان شەتەلدىك بيزنەسمەندەر ءۇشىن ينۆەستيسيالىق ۆيزا ەنگىزۋدى جوسپارلاپ وتىر.
«ەل ەكونوميكاسىنا ءبىر ۋاقىتتا ءۇش ءجۇز مىڭ دوللاردان استام ينۆەستيسيا سالعان شەتەلدىك بيزنەسمەندەرگە ينۆەستيسيالىق ۆيزانى ەنگىزۋ ءۇشىن كوشى-قون ساياساتى تۇجىرىمداماسىنا جانە «حالىقتىڭ كوشى-قونى تۋرالى» زاڭىنا وزگەرىستەر ەنگىزىلەدى»، - دەدى قۋانتىروۆ ۇكىمەت وتىرىسىندا.
سونداي-اق جەر قويناۋىن يگەرۋگە ينۆەستيسيا تارتۋ ءۇشىن زاڭناماعا راسىمدەردى وڭايلاتۋ بويىنشا ءتيىستى وزگەرىستەر ەنگىزىلەدى. ارنايى ەكونوميكالىق ايماق قىزمەتىنىڭ تيىمدىلىگىن ارتتىرۋ ماقساتىندا ءبىرقاتار شارالار ازىرلەنىپ جاتىر.
سونىڭ ىشىندە ينۆەستيسيالىق جەڭىلدىكتەر بەرۋدىڭ سارالانعان ءتاسىلىن ەنگىزۋ جوسپارلانۋدا. ساۋلەت-قۇرىلىس قىزمەتىن رەفورمالاۋ، سونداي-اق ەسكىرگەن قۇرىلىس ستاندارتتارى مەن نورمالارىن وزەكتەندىرۋ ماقساتىندا تۇجىرىمدامالىق جاڭا قۇجات – قالا قۇرىلىسى كودەكسى قابىلدانادى.
«سامۇرىق-قازىنا» قورىنىڭ قىزمەتى ستراتەگيالىق ماڭىزدى سەكتورلارداعى كومپانيالار اكسيالارىنىڭ ماجوريتارلىق پاكەتىنە عانا يەلىك ەتەتىن ينۆەستورعا قايتا فورماتتالادى.
بارلىق شارا پرەزيدەنتتىڭ 1 قىركۇيەكتەگى جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىنىڭ جوباسىندا كوزدەلگەن.