بۇل تۋرالى ۇلتتىق بانك ءتوراعاسىنىڭ ورىنباسارى ۆيتاليي تۋتۋشكين مالىمدەدى، دەپ حابارلايدى Almaty-akshamy.kz
«پروينفلياسيالىق تاۋەكەلدەردىڭ كۇشەيۋىن ەسكەرسەك، قازاقستاننىڭ ينفلياسيا بولجامى ءوسۋ جاعىنا قاراي قايتا قارالۋدا. بيىل ناۋرىزدا قازاقستاندا ينفلياسيا 12%-عا دەيىن جەدەلدەپ، 2016 جىلعى قىركۇيەكتەن باستاپ ەڭ جوعارى مانگە جەتتى»، -دەدى ۆيتاليي تۋتۋشكين ءماجىلىستىڭ جالپى وتىرىسى بارىسىندا.
ونىڭ ايتۋىنشا، ازىق-تۇلىك تاۋارلارى ينفلياسياعا ەرەكشە اسەر ەتكەن، مۇنداعى باعا ءوسىمى 15،4%-عا دەيىن جەدەلدەگەن.
«ناۋرىزدا ءبىز الەۋمەتتىك ماڭىزى بار ازىق-تۇلىك تاۋارلارىنىڭ بىردەن قىمباتتاپ كەتكەنىن بايقادىق، بۇل رەسەيدەن يمپورتتاۋعا تىيىم سالۋ اياسىندا ءبىرقاتار ازىق-تۇلىك تاۋارىنىڭ دەفيسيتىنە بايلانىستى ورىن الدى. سونىڭ اسەرىنەن ناۋرىزدىڭ ەكىنشى اپتاسىندا ازىق-تۇلىك تاۋارلارى باعاسى 5،6%-عا ءوستى. وسىدان كەيىن الەۋمەتتىك ماڭىزى بار ازىق-تۇلىك تاۋارلارى باعاسىنىڭ اپتا ىشىندەگى ءوسىمى ناۋرىزدىڭ سوڭعى اپتاسىندا 1،3%، ءساۋىردىڭ ءبىرىنشى جانە ەكىنشى اپتاسىندا قاتارىنان 0،9% بولىپ، بىرتىندەپ تۇراقتانا باستادى»، - دەدى ۆ. تۋتۋشكين.