1 تامىزدان باستاپ قازاقستان رەسپۋبليكاسىندا كوروناۆيرۋس ينفەكسياسىنىڭ تارالۋ يندەكسى 1،11-دەن 0،97-گە، ياعني 14 پايىزعا تومەندەگەن.
بۇل تۋرالى ق ر دەنساۋلىق ساقتاۋ ءمينيسترى الەكسەي سوي مالىمدەدى، – دەپ حابارلادى Almaty-akshamy.kz
«ەپيدەميولوگيالىق جاعدايدى باعالاۋ ماتريساسىنا سايكەس قازاقستان رەسپۋبليكاسى جانە ەلدىڭ 16 ءوڭىرى «قىزىل» ايماقتا ورنالاسقان. «جاسىل» ايماقتا تەك تۇركىستان وبلىسى عانا تۇر. سوڭعى ءۇش اپتا ىشىندە قازاقستاندا ەپيدەميولوگيالىق جاعدايدىڭ بىرتىندەپ تۇراقتانۋى بايقالادى. ءبىر اپتانىڭ ىشىندە ورتاشا ەسەپپەن 53 مىڭعا جۋىق جاعداي تىركەلۋدە، وسى اپتانىڭ وتكەن 4 كۇنىندە كۆي-دىڭ وڭ ناتيجەسىمەن 28 588 جاعداي جانە كۆي-دىڭ تەرىس ناتيجەسىمەن 1 376 جاعداي تىركەلدى»، – دەدى الەكسەي سوي.