55 جوعارى وقۋ ورنىنان كەلگەن 3000 ستۋدەنت 17 سپورت تۇرىنەن ب ا ق سىنايدى.
جارىس 1 اي كولەمىندە بولادى، دەپ حابارلايدى Almaty-akshamy.kz
اقتاۋ قالاسىندا العاش رەت جوعارى وقۋ ورىندارىنىڭ ستۋدەنتتەرى اراسىندا ءحىى جازعى ۋنيۆەرسيادا ءوتىپ جاتىر.
بۇل جولى ۇيىمداستىرۋشىلار دۇنيەجۇزىلىك ۋنيۆەرسيادا باعدارلاماسىنا باسىمدىق بەردى. ەلىمىزدىڭ 55 جوعارى وقۋ ورنىنان كەلگەن 3000 ستۋدەنت جەڭىل اتلەتيكا، تاەكۆوندو، دزيۋدو سىندى 17 سپورت تۇرىنەن ب ا ق سىنايدى. بيىل باسەكەنىڭ تاعى ءبىر ەرەكشەلىگى - ءبىر ايماقتا ءوتۋى. ويتكەنى وسىعان دەيىن ءار سپورت ءتۇرى ءار وڭىردە وتكەن بولاتىن.
"دايىندىق وتە جاقسى. ءبىز وسىعان دەيىن 11 ۋنيۆەرسيادادا فۋتبولدان 4 رەت چەمپيون جانە 4 رەت كۇمىس جۇلدەگەر بولعانبىز. بىزدە بۇل سپورت تۇرلەرى جوعارى دەڭگەيدە. مىناۋ ۋنيۆەرسيتەتتىڭ باسشىلىعى، سپورتشىلارعا كورسەتىلىپ جاتقان قولداۋلارى وتە جوعارى"، - دەدى م.اۋەزوۆ اتىنداعى ءوقۋ-نىڭ رەسمي وكىلى نۇرلان قىدىربەك ۇلى.