ەلىمىزدە حالىقتى ريەۆاكسينالاۋ باستالدى

جاڭا قاۋلى جاريالاندى

بۇگىننەن باستاپ قازاقستاندا حالىقتى ريەۆاكسينالاۋ باستالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

ناۋقان ەكى كەزەڭنەن تۇرادى. وسىعان دەيىن ۆاكسينانىڭ ەكى دوزاسىن دا سالدىرعاندار جاڭا جىلعا دەيىن ءۇشىنشىسىن قابىلدايدى. بۇل مەديسينا قىزمەتكەرلەرى، مۇعالىمدەر، مەديسينالىق-الەۋمەتتىك مەكەمەلەر مەن جابىق بالالار مەكەمەلەرىنىڭ ماماندارى، سونداي-اق كۇش قۇرىلىمدارىنىڭ قىزمەتكەرلەرى.

وسىعان وراي ق ر باس سانيتار دارىگەرىنىڭ مىندەتىن اتقارۋشى ايجان ەسماعامبەتوۆانىڭ COVID-19 كوروناۆيرۋس ينفەكسياسىنا قارسى ريەۆاكسيناسيا جۇرگىزۋ تۋرالى قاۋلىسى جاريالاندى.

قۇجاتتا كۆي-گە قارسى ريەۆاكسيناسياعا جاتاتىن حالىقتىڭ تاۋەكەل توپتارى كورسەتىلگەن. ولار:

1) مەديسينا قىزمەتكەرلەرى؛
2) پەداگوگتەر؛
3) كۇش قۇرىلىمدارىنىڭ قىزمەتكەرلەرى؛
4) مەديسينالىق-الەۋمەتتىك مەكەمەلەردىڭ پەرسونالى مەن كونتينگەنتى؛
5) 60 جاستان اسقان ادامدار؛
6) بۇعان دەيىن كۆي-گە قارسى ۆاكسينا السا دا، يممۋنيتەتى السىرەگەن ادامدار (يممۋنوسۋپرەسسيۆتى تەراپياداعى ادامدار (لەيكەميانى، ليمفومانى جانە ميەلومانى قوسا العاندا، قاتتى ىسىكتى نەمەسە گەماتولوگيالىق قاتەرلى ىسىكتى بەلسەندى يممۋنوسۋپرەسسيۆتى ەمدەۋ نەمەسە وسىنداي ەمدەۋ توقتاتىلعاننان كەيىن 12 اي ىشىندە)، گەمودياليزدەگى ادامدار، ترانسپلانتات رەسيپيەنتتەرى، ايتۆ جۇقتىرعان اۋىر باستاپقى يممۋن تاپشىلىعى)؛
7) ءوز بەتىنشە تەكسەرىلۋ ناتيجەسىندە اعزاسىندا كۆي-گە قارسى انتيدەنە جوق ەكەنى انىقتالعان ادامدار.