«بايقوڭىر» ۇشۋ الاڭىنا رەسەيلىك مودۋلدەگى سوڭعى زىمىران ورناتىلدى

ۇشۋ 24 قاراشاعا جوسپارلانعان

24 قاراشادا «پريچال» حFC رەسەيلىك مودۋلدەگى «پروگرەسس» جۇك كەمەسى ۇشىرۋى ءتيىس «سويۋز-2.1ب» زىمىرانى شىعارىلىپ، «بايقوڭىر» ۇشۋ الاڭىنا ورناتىلدى، دەپ حابارلايدى Almaty-akshamy.kz Egemen.kz-كە سىلتەمە جاساپ.

«پروگرەسس م-ۋم» جۇككەمەسى جانە جاڭا رەسەيلىك «پريچال» ءمودۋلى بار «سويۋز-2.1ب» زىمىران تاسىعىشى №31 الاڭنىڭ ۇشۋ الاڭىنا ورناتىلدى»، دەلىنگەن مەملەكەتتىك كورپوراسيانىڭ Telegram حابارلاماسىندا.

كەيىنىرەك روسكوسموس سەرۆيستىك باعاندار بىرىكتىرىلىپ، تاسىمالداۋشىنىڭ كوممۋنيكاسيالارى ۇشۋ كەشەنىنىڭ جەرۇستى جابدىعىمەن تۇيىسكەنىن ءتۇسىندىردى. ماماندار ءبىرىنشى ۇشۋ كۇنىنىڭ كەستەسى بويىنشا جۇمىسقا كىرىسىپ كەتتى. 21 قاراشادا جۇككەمەسى، زىمىرانتاسىعىش جانە ۇشۋ كەشەنىنىڭ جۇيەلەرى مەن توراپتارىن اۆتونومدى سىناقتان وتكىزۋ جوسپارلانعان.

ۇشۋ 24 قاراشاعا جوسپارلانعان. كەمە «ناۋكا» مودۋلىمەن 26 قاراشادا تۇيىسەدى. «پريچال» رەسەي ءوزىنىڭ حعس سەگمەنتىنە قوساتىن سوڭعى مودۋل بولادى.
سونىمەن قاتار، مودۋلدىك كەمە حعس-قا 700 كەلىگە جۋىق ءارتۇرلى جۇكتەردى، سونىڭ ىشىندە رەسۋرستىق جابدىقتار مەن شىعىن ماتەريالدارىن، سۋ تازارتۋدى، مەديسينالىق باقىلاۋدى جانە سانيتارلىق-گيگيەنالىق قۇرالداردى، تەحنيكالىق قىزمەت كورسەتۋ جانە جوندەۋ وبەكتىلەرىن، سونداي-اق نەگىزگى ەكسپەديسيا ەكيپاجىنا ارنالعان ستاندارتتى راسيوندى جەتكىزەدى.