ەلىمىزدە حالىقارالىق مەندەلەيەۆ وليمپياداسى وتەدى

قازاقستاندىق كوماندا 15 وقۋشىدان تۇرادى

قازاقستان حالىقارالىق مەندەلەيەۆ وليمپياداسىن قابىلدايدى، دەپ حابارلايدى Almaty-akshamy.kz.

وقۋ-اعارتۋ ءبىرىنشى ۆيسە-مينيسترى شولپان كارينوۆا الەۋمەتتىك جەلىدەگى پاراقشاسىندا وليمپيادا جايلى جازدى.

ونىڭ ايتۋىنشا، حيميا پانىنەن وقۋشىلاردىڭ 57ء-شى حالىقارالىق مەندەلەيەۆ وليمپياداسىنا دايىندىق ماسەلەلەرى بويىنشا جينالىس وتكەن.

جينالىسقا وقۋ-اعارتۋ، سىرتقى ىستەر، ىشكى ىستەر، دەنساۋلىق ساقتاۋ مينيسترلىكتەرىنىڭ وكىلدەرى، ەۆروحيم گرۋپ، نازاربايەۆ ۋنيۆەرسيتەتى، بيزنەس-پروتوكول شەشىمدەرى اگەنستۆوسى ماماندارى جانە استانا قالاسى ءبىلىم باسقارماسى مەن مينيسترلىككە باعىنىستى ورتالىقتار وكىلدەرى قاتىستى. جۇمىس وتىرىسى بارىسىندا ۇيىمداستىرۋشىلىق ماسەلەلەرى، وليمپيادا تۋرلارىنا دايىندىق جانە ت.ب. سۇراقتار تالقىلاندى.

ايتا كەتسەك، حيميا پانىنەن وقۋشىلاردىڭ 57ء-شى حالىقارالىق مەندەلەيەۆ وليمپياداسى اعىمداعى جىلدىڭ 30 ءساۋىر مەن 7 مامىر ارالىعىندا استانا قالاسىندا نازاربايەۆ ۋنيۆەرسيتەتى بازاسىندا 20 اسا قاتىسۋشى-مەملەكەتتەرمەن وتكىزىلەدى.  قازاقستاندىق كوماندا 15 وقۋشىدان تۇرادى.