كۇدىكتى ماساڭ كۇيدە بولعان
اقتوبەدە ۇلتتىق ۇلان قىزمەتكەرلەرى حالىقارالىق ىزدەۋدە جۇرگەن ەر ادامدى ۇستادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ۆەدومستۆونىڭ اقپاراتىنا سايكەس، 10 تامىز كۇنى ساعات 21:40 شاماسىندا 6655 اسكەري ءبولىمىنىڭ قىزمەتكەرلەرى ماساڭ كۇيدە تۇرعان كۇدىكتى ازاماتتى توقتاتىپ، قۇجاتتارىن تەكسەرگەن. ناتيجەسىندە ەر ادامعا رەسەي فەدەراسياسىنىڭ قۇقىق قورعاۋ ورگاندارى ىزدەۋ جاريالاعانى انىقتالادى. سونداي-اق، كۇدىكتىگە ەلىمىزدە دە قىلمىستىق كودەكستىڭ 188-بابى 1-تارماعى (الدىن الا ءسوز بايلاسۋ ارقىلى ۇرلىق جاساۋ) بويىنشا ىزدەۋ سالىنعانى بەلگىلى بولدى.
ۇلتتىق ۇلاننىڭ حابارلاۋىنشا، كۇدىكتى دەرەۋ اقتوبە قالاسىنىڭ پوليسيا باسقارماسىنا جەتكىزىلگەن.