ەلىمىزدە حالىق سانى كوبەيدى

قاڭتار-تامىز ارالىعىندا 263،8 مىڭ ادام دۇنيەگە كەلگەن.

ستاتيستيكا بيۋروسىنىڭ مالىمەتىنشە، جىل باسىنان بەرى حالىق سانى 163،7 مىڭ ادامعا كوبەيدى، دەپ حابارلايدى Almaty-akshamy.kz

2022 جىلعى 1 قىركۇيەكتەگى جاعداي بويىنشا، قازاقستاندىقتاردىڭ سانى 19 ميلليون 666 مىڭ 800 ادام بولدى. بۇل رەتتە 12 ملن 131 مىڭ 100 ادام (61،7%) قالادا، 7 ملن ​​535 مىڭ 700 ادام (38،3%) اۋىلدىق جەردە تۇرادى.

رەسپۋبليكا حالقىنىڭ تابيعي ءوسىمى 8 ايدا وتكەن جىلدىڭ سايكەس كەزەڭىمەن سالىستىرعاندا 3،6% تومەندەپ، 172،4 مىڭ ادام بولدى.

احاج مالىمەتتەرى بويىنشا، قاڭتار-تامىزدا قازاقستاندا 263،8 مىڭ ادام دۇنيەگە كەلگەن. بۇل 2021 جىلدىڭ سايكەس كەزەڭىمەن سالىستىرعاندا 11% از. 1000 ادامعا شاققانداعى تۋۋدىڭ جالپى كوەففيسيەنتى 20،19 تۋىلدى.

سونىمەن قاتار 91،4 مىڭ ادام قايتىس بولدى. بۇل وتكەن جىلدىڭ قاڭتار-تامىز ايلارىمەن سالىستىرعاندا 22،3% از. جالپى ءولىم كورسەتكىشى 1000 ادامعا شاققاندا 7 ءولىم بولدى.

ءسابي ولىمىنە كەلسەك، ول دا 5،8% تومەندەدى. ويتكەنى رەسپۋبليكادا 2208 نارەستە ءولىمى تىركەلدى. جالپى نارەستە ءولىمىنىڭ كورسەتكىشى 1000 تۋىلعانعا شاققاندا 8،37 جاعداي بولدى.