الماتى پوليسياسى ەسىرتكى زەرتحانالارىن جويدى

9 ايدا شاھاردا 461 قۇقىقبۇزۋشىلىق انىقتالعان.

الماتى پوليسياسى 5 ەسىرتكى زەرتحاناسىن جويدى، دەپ حابارلايدى Polisia.kz.

الماتى قالالىق پد ەسىرتكى قىلمىسىنا قارسى كۇرەس باسقارماسىندا بۇرىن حابارلانعانداي، بيىلعى جىلدىڭ 9 ايىندا شاھاردا ەسىرتكىنىڭ زاڭسىز اينالىمىنا قاتىستى 461 قۇقىقبۇزۋشىلىق انىقتالعان.

«زاڭسىز اينالىمنان 600 كەلىگە جۋىق ەسىرتكى تاركىلەندى، ونىڭ 15 كەلىسى - «سينتەتيكا». سونىمەن قاتار، جۇرگىزىلگەن ءىس-شارالاردىڭ ناتيجەسىندە سينتەتيكالىق پرەپاراتتاردى شىعاراتىن 5 زەرتحانا جويىلدى. مىسال رەتىندە ءبىر ەپيزودتى كەلتىرەيىن: قاراپايىم ۇيدە ەسىرتكى زەرتحاناسىن ۇيىمداستىرعان 20-23 جاس ارالىعىنداعى التى جاس جىگىت ۇستالدى. عيماراتتى رۇقسات ەتىلگەن ءتىنتۋ كەزىندە حيميالىق رەاگەنتتەر، سينتەتيكالىق ەسىرتكى وندىرۋگە ارنالعان ءتۇرلى كومپونەنتتەر، سونداي-اق، ساتۋعا دايىن 6 كەلىگە جۋىق مەفەدرون تاركىلەندى. بۇل ءونىمنىڭ ساتىلىمداعى باعاسى 150 ميلليون تەڭگە بولار ەدى. ايتا كەتەيىك، جەڭىل جولمەن اقشا تابۋ جولىندا ۇستالعانداردىڭ ءارقايسىسى 15 جىلدان 20 جىلعا دەيىن باس بوستاندىعىنان ايىرىلۋى مۇمكىن»، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.