ەلىمىزدەگى فارماسيەۆتيكا سالاسى اقشالاي ەكۆيۆالەنتتە 863 ملرد تەڭگەنى قۇراپ وتىر
فارماسيەۆتيكا سالاسىندا وتاندىق تاۋار وندىرۋشىلەر ۇلەسى 162،6 ملرد تەڭگەنى قۇراپ وتىر. بۇل تۋرالى ق ر دەنساۋلىق ساقتاۋ ۆيسە-مينيسترى جاندوس بۇركىتبايەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇگىنگى تاڭدا ەلىمىزدە فارماسيەۆتيكا سالاسىندا 97 ءوندىرۋشى جۇمىس ىستەپ جاتىر. ونىڭ 34ء-ى - دارىلىك زاتتار شىعارۋمەن اينالىسسا، 41ء-ى مەديسينالىق ماقساتتاعى زاتتاردى، 22ء-سى مەديسينالىق تەحنيكا جاساۋدى مەڭگەرگەن»، - دەدى ج. بۇركىتبايەۆ ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا.
ونىڭ ايتۋىنشا، ەلىمىزدەگى فارماسيەۆتيكا سالاسى اقشالاي ەكۆيۆالەنتتە 863 ملرد تەڭگەنى قۇراپ وتىر. سونىڭ اراسىندا وتاندىق تاۋار وندىرۋشىلەر ۇلەسى 162،6 ملرد تەڭگەنى قۇرادى.
«2022 جىلى جەرگىلىكتى فارماسيەۆتيكالىق نارىقتاعى وتاندىق ءوندىرىستىڭ ۇلەسى 19 پايىزدى، يمپورتتىق ءونىم 81 پايىزدى قۇرادى»، - دەدى ۆيسە-مينيستر.
ايتا كەتەيىك، 2021 جىلعى جولداۋىندا مەملەكەت باسشىسى قاسىم-جومارت توقايەۆ فارماسيەۆتيكا ونەركاسىبىنە ەرەكشە كوڭىل ءبولۋدى تاپسىردى.
«بىزدەگى دارى-دارمەك پەن مەديسينالىق قۇرال-جابدىقتىڭ 17 پايىزى عانا – وتاندىق ءونىم. 2025 جىلى ونى 50 پايىزعا جەتكىزۋ قاجەت»، - دەدى پرەزيدەنت.