ەلىمىزدە ەڭبەك شارتىن جاساۋ جەڭىلدەتىلدى

ەندى ەڭبەك شارتىن قاشىقتان راسىمدەۋگە بولادى.

ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، ەندى قۇجاتقا ەڭبەك رەسۋرستارى پورتالى جانە Enbek HR ءموبيلدى قوسىمشاسى ارقىلى قول قويۋعا بولادى، دەپ حابارلايدى Almaty-akshamy.kz

بيىلعى قازان ايىندا HR.Enbek.kz ەڭبەك رەسۋرستارى پورتالىندا ەلەكتروندىق ەڭبەك شارتتارىن جاساسۋ جونىندەگى فۋنكسيونال ىسكە قوسىلدى. قىزمەتكەرلەر قۇجاتقا پورتال جانە Enbek HR ءموبيلدى قوسىمشاسى ارقىلى قول قويا الادى.

بۇرىن ەڭبەك شارتتارى قاعازدا جاسالىپ، ولار تۋرالى اقپاراتتى كادر قىزمەتتەرى ەڭبەك شارتتارىن ەسەپكە الۋدىڭ ءبىرىڭعاي جۇيەسىنە ەنگىزگەن. ەندى جۇمىس بەرۋشىلەرگە قاجەتتى مالىمەتتەردى تولتىرۋ ءۇشىن ىڭعايلى كونسترۋكتوردى پايدالانا وتىرىپ، پورتالدا، ونىڭ ىشىندە "ەڭبەك شارتتارى" بولىمىندە قۇجاتتىڭ جوباسىن جاساۋعا نەمەسە شارتتىڭ جەكە فايلىن جۇكتەپ، جۇمىسكەردىڭ جەكە كابينەتىنە قول قويۋعا  جىبەرۋگە مۇمكىندىك بەرىلەدى.

جاڭا فۋنكسيا Enbek HR ءموبيلدى قوسىمشاسىندا قولجەتىمدى.

"تاراپتار شارت تالاپتارىمەن كەلىسكەن جاعدايدا، وعان ەسق نەمەسە QR-قولتاڭبا كومەگىمەن eGov موبيلدىك قوسىمشاسى ارقىلى قول قويۋعا بولادى. وسىدان كەيىن ەلەكتروندىق ەڭبەك شارتى ەڭبەك شارتتارىن ەسەپكە الۋدىڭ ءبىرىڭعاي جۇيەسىنە اۆتوماتتى تۇردە تىركەلەدى جانە جۇمىس بەرۋشىگە دە، جۇمىسكەرگە دە قاراۋ جانە جۇكتەۋ ءۇشىن قول جەتىمدى بولادى. قاجەت بولعان جاعدايدا ونىڭ ءتۇپنۇسقالىعى قۇجاتقا كورسەتىلگەن QR-كودپەن راستالادى"، – دەدى ەڭبەك جانە حالىقتى الەۋمەتتىك قورعاۋ ۆيسە-مينيسترى ەربول وسپانوۆ.