ەلىمىزدە ەلەكتر ەنەرگياسى قىمباتتادى

قازاقستاندا ەلەكتر ەنەرگياسى جىل سايىن قىمباتتاپ كەلە جاتىر.

2022 جىلعى مامىردا 8،7 پايىزعا دەيىن وسكەن. بىلتىر ەلەكتر ەنەرگياسى 7 پايىزعا قىمباتتاعان ەدى، دەپ حابارلايدى Almaty-akshamy.kz

مامىردا ەلەكتر پليتاسى بار تۇرعىندارعا تاريفتەر ءبىرىنشى دەڭگەيدە ساعاتىنا 100 كيلوۆاتتقا 1456 تەڭگە، ەكىنشى دەڭگەيدە 1891 تەڭگە، ءۇشىنشى دەڭگەيدە 2354 تەڭگە بولعان ەدى. ەلەكتر پليتاسى جوق حالىق ءۇشىن تاريف 100 كيلوۆاتتقا سايكەسىنشە 1479، 1907 جانە 2376 تەڭگە بولدى.

ءقاڭتار-ساۋىر ايلارىندا ەلەكتر ەنەرگياسىن ءوندىرۋ كولەمى ساعاتىنا 40 ميلليارد كيلوۆاتت بولعان، بۇل بىلتىرمەن سالىستىرعاندا 0،4 پايىزعا از. بۇل رەتتە ءوندىرىس كولەمى بويىنشا پاۆلودار وبلىسىنا بۇكىل قازاقستاننىڭ 42،6 پايىزى سايكەس كەلەدى.

KOREM وپەراتورىنىڭ مالىمەتتەرى بويىنشا، قاڭتار-ناۋرىز ايلارىندا ساعاتىنا 30،7 ميلليارد كيلوۆاتت ەلەكتر ەنەرگياسى وندىرىلگەن، بۇل 2021 جىلعى قاڭتار-ناۋرىزبەن سالىستىرعاندا 0،2 پايىزعا كوپ.

ءبىر جىل ىشىندە ەلەكتر ەنەرگياسىن تۇتىنۋ 1،3 پايىزعا ارتىپ، 2022 جىلعى قاڭتار-ناۋرىز ايلارىندا ساعاتىنا 30،4 ميلليارد كيلوۆاتت بولعان.