قازاقستاننىڭ سىرتقى ساۋدا اينالىمى 2022 جىلعى قاڭتار-قىركۇيەكتە 98،4 ملرد دوللاردى قۇرادى.
بۇل 2021 جىلعى قاڭتار-قىركۇيەككە قاراعاندا 35%-عا (72،9 ملرد دوللار) ارتىق.
ق ر ەكسپورتىنىڭ نومينالدى كولەمى – 63،8 ملرد دوللار. بۇل 2021 جىلدىڭ 9 ايىمەن سالىستىرعاندا 47،5%-عا ارتىق (43،3 ملرد دوللار)، دەپ حابارلايدى Almaty-akshamy.kz قازاقپاراتقا سىلتەمە جاساپ.
ERI ەسەپتەۋلەرى بويىنشا، ق ر ەكسپورتىنىڭ ناقتى ءوسىمى نەگىزگى ەكسپورتتىق پوزيسيالاردىڭ باعاسى جوعارى بولۋىنا بايلانىستى شامامەن 2،8-3%-دى قۇرايدى. مۇنايدىڭ توننامەن جەتكىزىلۋى نەبارى 1،6%-عا، ەكسپورتتىق تۇسىمدەر 63،4%-عا ءوستى.
ەلدەر بويىنشا ەكسپورت:
- يتالياعا 84%-عا، ياعني 11،2 ملرد دوللارعا؛
- قىتايعا 43%-عا، ياعني 10،3 ملرد دوللارعا؛
- رەسەيگە 15%-عا، ياعني 5،9 ملرد دوللارعا؛
- نيدەرلاندىعا 24%-عا، ياعني 4،1 ملرد دوللارعا؛
- كورەياعا 2،9 ەسە، ياعني 3،6 ملرد دوللارعا؛
- تۇركياعا 71%-عا، ياعني 3،6 ملرد دوللارعا؛
- وزبەكستانعا 36%، ياعني 2،6 ملرد دوللارعا دەيىن ءوستى.
2022 جىلعى 9 ايداعى ق ر ەكسپورتىنىڭ قۇنى (63،8 ملرد دوللار) الدىڭعى 7 جىلداعى جەتكىزىلىمدەردىڭ جىلدىق كولەمىنەن اسىپ ءتۇستى. جىلدىق كولەمدە سوڭعى رەت ءوسىم 2014 جىلى (79،5 ملرد دوللار) كوپ بولدى.