ەندى ەلىمىزدە ەكى مەيرام – انالار جانە اكەلەر كۇنى مەرەكەسى بولەك-بولەك اتالىپ وتەدى، دەپ حابارلايدى almaty-akshamy.kz
پرەمەر-مينيستر ءاليحان سمايىلوۆ قول قويعان قاۋلىعا سايكەس انالار كۇنى – مامىردىڭ ەكىنشى جەكسەنبىسىندە، ال اكەلەر كۇنى ماۋسىمنىڭ ءۇشىنشى جەكسەنبىسىندە مەرەكەلەنەدى.
اقپارات جانە قوعامدىق دامۋ مينيسترلىگىنىڭ مالىمەتىنشە، اتالعان مەرەكەلىك كۇندەردى بەكىتۋ ەلىمىزدەگى وتباسى ينستيتۋتىن نىعايتۋعا ىقپال ەتپەك.
«مەرەكەلىك كۇندەردىڭ تىزبەسىنە «انالار كۇنى» جانە «اكەلەر كۇنى» مەرەكەلەرىن ەنگىزۋ قازاقستانداعى وتباسىلىق قۇندىلىقتاردى ىلگەرىلەتۋگە، وتباسى ينستيتۋتىن نىعايتۋعا، سونداي-اق اكەلەر ينستيتۋتىن دامىتۋعا ىقپال ەتەدى. مۇنداي مەرەكە كوپتەگەن الەم ەلدەرىندە بار»، - دەلىنگەن مينيسترلىكتىڭ Telegram ارناسىندا جاريالانعان حابارلامادا.