ساۋدا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتى ءتوراعاسىنىڭ ورىنباسارى سەرىك قۇسايىنوۆ قازاقستاندا ساتىپ العاننان كەيىن قانداي تاۋارلاردى دۇكەنگە كەرى قايتارۋعا بولمايتىنىن ايتتى، دەپ حابارلايدى aqshamnews.kz.
ونىڭ ايتۋىنشا، زاڭ بويىنشا، ەگەر زات 14 كۇن بويى قولدانىلماسا جانە جاقسى جاعدايدا بولسا، كەز-كەلگەن ازىق-تۇلىكتەن باسقا تاۋاردى دۇكەنگە قايتارۋعا بولادى.
"قايتارىلمايتىن تاۋارلار – ۇيالى تەلەفوندار، دارى-دارمەكتەر، مەديسينالىق بۇيىمدار، وسىمدىكتەر، جانۋارلار، ىشكيىمدەر مەن شارشى مەترگە ەسەپتەلىپ الىنعان تاۋارلار"، – دەدى سەرىك قۇسايىنوۆ.
ول ەگەر قورەكتىك زاتقا جاتپاسا جانە ساپالى بولسا، بۇل تىزىمدە بولماسا دا ونى قايتارۋعا بولاتىنىن جەتكىزدى. ايتۋىنشا، تەك ساتىپ الۋشىنىڭ قولىندا بارلىق جاپسىرما، چەك پەن قاپتاما بولۋى ماڭىزدى. تەك وسى جاعدايدا عانا ول زاڭنىڭ وسى نورماسىن قولدانۋعا قۇقىلى.
ەگەر ساتۋشى قايتارىلعان تاۋار ءۇشىن اقشانى قايتارۋدان باس تارتسا، ماسەلەنى دە شەشۋگە بولادى. ەگەر ساتۋشى سوڭىنا دەيىن اقشانى قايتارۋدان باس تارتسا، تۇتىنۋشىلاردىڭ قۇقىعىن قورعاۋ كوميتەتىنىڭ اۋماقتىق دەپارتامەنتىنەن كومەك سۇراۋعا بولادى.