بۇگىن ەلىمىزدە دوكتورانتۋراعا ءتۇسۋ ەمتيحاندارى باستالدى.
ەمتيحاندار 20 تامىزعا دەيىن جالعاسادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ەمتيحاندار 20 تامىزعا دەيىن جالعاسادى. وقۋعا ءتۇسۋ ەمتيحانىنىڭ كۇنى، ۋاقىتى، ورنى تۋرالى اقپارات جەكە كابينەتىڭىزدىڭ «مەنىڭ ىس-ارەكەتىم» بولىمىندە 10 تامىزدا جاريالاندى. وتكىزىپ الماڭىزدار! ەمتيحان ناتيجەسى كەلەسى كۇنى وقۋعا تۇسەتىن ادامنىڭ «جەكە كابينەتىندە» جاريالانادى»، - دەلىنگەن بۇل تۋرالى ق ر عىلىم جانە جوعارى ءبىلىم مينيسترلىگىنىڭ مالىمەتىندە.
اپەللياسياعا ارنالعان ءوتىنىش ناتيجە جاريالانعاننان كەيىن كەلەسى كۇنى ايماقتىق تەستىلەۋ ورتالىقتارى بازاسىندا قابىلدانادى.
بۇدان بۇرىن حابارلانعانداي، 12 تامىزدا ماگيستراتۋراعا ءبىلىم گرانتتارىن تاعايىنداۋ كونكۋرسىنا قاتىسۋ ءۇشىن قۇجات قابىلداۋ باستالدى.