دسم كوسمەتولوگتارعا بارعان كەزدە سەرتيفيكات تالاپ ەتۋدى ۇسىنادى.
قىز-كەلىنشەكتەر كوسمەتولوگيالىق كلينيكالارعا بارعان كەزدە بارلىعى بوتوكستىڭ جارامدىلىق مەرزىمىنە جانە ەڭ باستىسى قازاقستاندا وسى قۇرالدىڭ تىركەلگەنىنە نازار اۋدارمايدى، دەپ حابارلايدى Almaty-akshamy.kz
دارىلىك زاتتار مەن مەديسينالىق بۇيىمداردىڭ مەملەكەتتىك تىزىلىمىنە سايكەس قر-دا بوتۋلينوتەراپيادا قولدانۋعا ارنالعان 12 دارىلىك زات تىركەلگەن.
سوڭعى جىلدارى ارنايى دارىلىك پرەپاراتتاردىڭ نەگىزىندە ينەكسيالىق ەم-شارالار قولدانىلاتىن بوتۋلينوتەراپيا (بوتوكس) ەم-شاراسى كەڭىنەن سۇرانىسقا يە بولدى. بۇل "سۇلۋلىق ينەكسيالارى " تەرىنىڭ پاتولوگيالىق وزگەرىستەرىن جاسارتۋ جانە جويۋ ماقساتىندا ەكستەتيكالىق مەديسينادا ءجيى قولدانىلادى.
«قر-دا بوتۋلينوتەراپيادا قولدانۋعا ارنالعان 12 دارىلىك زات تىركەلگەن. ولار «بوتۋلاكس»، «كسەومين»، «ۆيستابەل»، «فورتوكس®️»، «ديسپورت®️»، «نەيرونوكس» ساۋدا اتاۋلارىمەن ۇسىنىلعان. بۇل دارىلەر دارىگەردىڭ رەسەپتى بويىنشا قاتاڭ تۇردە بەرىلەدى. قازاقستان رەسپۋبليكاسىنىڭ زاڭناماسىندا رەسەپت بويىنشا دارىلىك زاتتاردى رەسەپتسىز ساتقانى ءۇشىن اكىمشىلىك جاۋاپكەرشىلىك كوزدەلگەنىن ايتا كەتۋ كەرەك. دارىلىك زاتتاردىڭ زاڭسىز اينالىمى ءۇشىن تەك اكىمشىلىك قانا ەمەس، سونىمەن قاتار قىلمىستىق جاۋاپكەرشىلىك تە كوزدەلگەن. ق ر دەنساۋلىق ساقتاۋ مينيسترلىگى ينەكسيالاردى ءوز بەتىنشە ەنگىزبەۋگە، تەك قانا سەرتيفيكاتتالعان مامانداردىڭ قىزمەتتەرىن پايدالانۋعا جانە ەلىمىزدە تىركەلگەن، دارىگەردىڭ رەسەپتى بويىنشا جازىلعان دارىلىك زاتتاردى عانا ساتىپ الۋعا كەڭەس بەرەدى»، - دەلىنگەن حابارلامادا.
ۇيىمنىڭ تاڭدالعان ەم-شارالاردى جۇرگىزۋگە ليسەنزياسى بار ەكەنىنە كوز جەتكىزۋ ماڭىزدى. مۇنى كەلەسى سىلتەمە ارقىلى تەكسەرۋگە بولادى: https://www.gov.kz/memleket/entities/kmfk/documents/details/415810؟lang=kk