الماتىدا كۇن سايىن 2 مىڭنان استام پوليسيا قىزمەتكەرى قوعامدىق ءتارتىپتى قامتاماسىز ەتەدى.
الماتىدا قوعامدىق ورىنداردا جاسالعان قۇقىق بۇزۋشىلىقتار سانى 6،2%-عا، ونىڭ ىشىندە كوشەدە جاسالعان قۇقىق بۇزۋشىلىقتار 26،5%-عا ازايدى.
«قابىلدانعان شارالاردىڭ ناتيجەسىندە جالپى كريمينوگەندىك جاعدايدى تۇراقتاندىرۋ، قىلمىستاردى اشۋ، سونداي-اق قوعامدىق ورىنداردا جاسالعان قۇقىق بۇزۋشىلىقتاردى انىقتاۋ جانە دەر كەزىندە جولىن كەسۋ بويىنشا جۇمىس جاقساردى. قالادا بارلىعى 1 مىڭ 844 پاترۋلدىك باعىت ازىرلەندى، ونىڭ 468ء-ى اۆتوموبيل، 1 مىڭ 294ء-ى جاياۋ، سونداي-اق 44 ستاسيونارلىق پوليسيا بەكەتى. ايتپاقشى، جىل باسىنان بەرى پوليسيانىڭ مودۋلدىك بەكەتتەرىندە قىزمەت ەتكەن پوليسەيلەر 600-گە جۋىق قۇقىق بۇزۋشىلىقتىڭ جولىن كەستى. قوعامدىق ورىنداردا جاسالعان قىلمىستاردىڭ مونيتورينگى مۇلىكتىك قىلمىستاردىڭ باسىم ەكەنىن كورسەتەدى. ولاردىڭ الدىن الۋ جانە جولىن كەسۋ ماقساتىندا جەرگىلىكتى ءىس-شارا جۇمىستارى جۇرگىزىلۋدە»، - دەدى، الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى، پوليسيا پولكوۆنيگى دياس دۋانبەكوۆ.
سونداي-اق پوليسيادا، قالا اكىمدىگى مەن ءىىم قولداۋىمەن پوليسيا بولىمشەلەرىنىڭ ماتەريالدىق-تەحنيكالىق جاراقتاندىرىلۋى، بەينەباقىلاۋ جۇيەسى جەتىلدىرىلىپ، پوليسيا قىزمەتكەرلەرىنىڭ جالاقىسى كوتەرىلىپ، ساپالى جانە ناتيجەلى جۇمىسقا، سونداي-اق قالاداعى قىلمىستىق جاعدايدى جاقسارتۋعا وڭ ناتيجە بەرگەنىن اتاپ ءوتتى.
الماتى قالالىق پوليسيا دەپارتامەنتى باسپا ءسوز قىزمەتى