قازاقستاننىڭ بوكس فەدەراسياسى لوس-اندجەلەستەگى وليمپيادا ويىندارىنا ىرىكتەۋ ءتۋرنيرى رەتىندە 2027 جىلعى بوكس بويىنشا الەم چەمپيوناتىن وتكىزۋگە ءوتىنىم بەردى، دەپ حابارلايدى aqshamnews.kz.
بۇل تۋرالى اقش-تىڭ كولورادو-سپرينگس قالاسىندا وتكەن World Boxing حالىقارالىق بوكس فەدەراسياسىنىڭ كونگرەسىندە حابارلاندى. سونىمەن قاتار قازاقستاننىڭ بوكس فەدەراسياسى رەسمي تۇردە World Boxingء-تىڭ تولىققاندى مۇشەسى اتانعانى انىقتالدى. ال الەمدىك ۇيىمنىڭ شەشىمى جاقىن ارادا بەلگىلى بولادى.
جيىن بارىسىندا World Boxing وليمپيادالىق كوميسسياسىنىڭ ءتوراعاسى گەنناديي گولوۆكين كونگرەسس قاتىسۋشىلارىن الدىندا ءسوز الىپ، U19 جاسوسپىرىمدەر اراسىنداعى العاشقى الەم چەمپيوناتىن جانە كونگرەستى ۇيىمداستىرعانى ءۇشىن US Boxing ۇيىمىنا العىس ءبىلدىردى.