ەلىمىزدە بىرنەشە قىلمىستىڭ جازاسى كۇشەيتىلەدى

ونىڭ ىشىندە ادام ءولتىرۋ قىلمىسى دا بار.

مارات احمەتجانوۆ جازاسى كۇشەيتىلەتىن قىلمىس تۇرلەرىن اتادى، دەپ حابارلايدى Almaty-akshamy.kz

سەنات قاراۋىنا ەنگىزىلگەن زاڭ بويىنشا الدىمەن قىلمىستىق كودەكستىڭ 272-بابى، 1-بولىگىندە جاپپاي تارتىپسىزدىكتەرگە شاقىرعانى ءۇشىن باس بوستاندىعىنان ايىرۋ جازاسىن 3 جىلدان 5 جىلعا دەيىن ارتتىرۋ جوسپارلانىپ وتىر. تەلەكوممۋنيكاسيا جەلىلەرىن پايدالانۋ ارقىلى جاسالعان وسىنداي ارەكەتكە 3 جىلدان 7 جىلعا دەيىن باس بوستاندىعىنان ايىرۋ جازاسى قولدانىلادى. ال قىلمىستىق توپ قۇرامىندا جاسالسا، كىنالى ادام 5-7 جىلعا سوتتالادى.

بۇدان بولەك، ادام ءولتىرۋ قىلمىسى ءۇشىن جازا كۇشەيتىلەدى.

"ەرەكشە سينيزممەن جانە قىلمىستىق توپتىڭ قۇرامىندا جاسالعان كىسى ءولتىرۋ مەن بانديتيزم ءۇشىن شارتتى تۇردە مەرزىمىنەن بۇرىن بوساتۋ مۇمكىندىگىن بەرمەۋ كوزدەلىپ وتىر"، - دەدى احمەتجانوۆ سەناتتىڭ بۇگىنگى وتىرىسىندا.

قىلمىستىق كودەكستىڭ 146-بابىنا (ازاپتاۋ) "قاتىگەز، ادامگەرشىلىككە جاتپايتىن نەمەسە قادىر-قاسيەتتى قورلايتىن ارەكەت ءۇشىن" قۇقىقبۇزۋشىلىقتىڭ جاڭا قۇرامى ەنگىزىلەدى.

سونداي-اق وتباسىلىق-تۇرمىستىق سالادا جاسالاتىن قۇقىقبۇزۋشىلىقتار ءۇشىن جاۋاپكەرشىلىك كۇشەيتىلەدى.