ەلىمىزدە باسپانا قۇنى ءبىر جىلدا قانشاعا قىمباتتاعان؟

پاتەردى جالعا الۋ تولەمى 20،8 پايىزعا ارتتى.

ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسى شىلدەدە تۇرعىن ءۇي نارىعىنداعى باعانىڭ وزگەرگەنى تۋرالى ايتتى، دەپ حابارلايدى Almaty-akshamy.kz.

«ءبىر جىلدا (بىلتىرعى جانە بيىلعى شىلدەنى سالىستىرعاندا) قولدانىستاعى پاتەرلەردى قايتا ساتۋ باعاسى - 26،4 پايىزعا، جاڭا تۇرعىن ۇيلەردى ساتۋ 19،6 پايىزعا ءوستى. تۇرعىن ءۇيدى جالعا الۋ تولەمى بىلتىرعىمەن سالىستىرعاندا 2022 جىلعى شىلدەدە 20،8 پايىزعا ارتتى»، - دەلىنگەن حابارلامادا.

وڭىرلەر بويىنشا جاڭا سالىنعان تۇرعىن ۇيلەر نارىعىنداعى باسپانا جىلدىق ماندە:

اقتوبە قالاسىندا - 32،5 پايىزعا،

نۇر-سۇلتاندا - 27،6 پايىزعا،

وسكەمەندە 26،1 پايىزعا قىمباتتادى.

قولدانىستاعى ۇيلەردى قايتا ساتۋ نارىعىندا كوش باستاپ تۇرعان قالالار:

قىزىلوردا (44 پايىز)،

وسكەمەن (43،7 پايىز)،

تالدىقورعان (43،4 پايىز)

نۇر-سۇلتان (41،3 پايىز)،

تۇرعىن ءۇيدى جالعا الۋ نارىعىندا - الماتى قالاسى (47،2 پايىز).

«ءبىر ايدىڭ ىشىندە (2022 جىلعى شىلدە مەن ماۋسىمدى سالىستىرعاندا) پاتەرلەردى قايتا ساتۋ باعالارى 0،8 پايىزعا، جاڭا تۇرعىن ءۇيدى ساتۋ 0،5 پايىزعا ءوستى. اباتتاندىرىلعان تۇرعىن ءۇيدى جالعا الۋ تولەمى الدىڭعى ايمەن سالىستىرعاندا شىلدەدە 0،4 پايىزعا جوعارىلادى»، - دەلىنگەن حابارلامادا.