بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى ادىلەت دەپارتامەنتى باسشىسىنىڭ ورىنباسارى جاڭاباي اعمانوۆ مالىمدەدى، دەپ حابارلايدى اlmaty-akshamy.kz.
سپيكەر الماتى قالاسى ادىلەت دەپارتامەنتىنىڭ 2022 جىلدىڭ ءبىرىنشى جارتىجىلدىعىندا مەملەكەتتىك سوت ورىنداۋشىلارى جەلىسى بويىنشا اتقارعان جۇمىستارى تۋرالى باياندادى.
ەسەپتى كەزەڭدە مەملەكەتتىك سوت ورىنداۋشىلارىنىڭ (مسو) ءىس جۇرگىزۋىندە جالپى سوماسى 163 304 689 470 تەڭگەگە 2154 اتقارۋشىلىق قۇجات ورىندالدى. سوت اكتىلەرىنىڭ جالپى سانىنان 1158 نەمەسە 54% اياقتالدى. اليمەنت ءوندىرۋ بويىنشا 29 ءىس ورىندالىپ، 6 ءىس اياقتالدى.
«ءبىزدىڭ دەپارتامەنتتىڭ قىزمەتكەرلەرى بورىشكەرلەردى اكىمشىلىك جانە قىلمىستىق جاۋاپكەرشىلىككە تارتۋ بويىنشا ۇلكەن جۇمىستار جۇرگىزۋدە. ءبىرىنشى جارتىجىلدىقتا 68 بورىشكەر جاۋاپكەرشىلىككە تارتىلدى. جالپى، 18-دەن اكىمشىلىك قاماۋعا الىندى. اليمەنتتىك ءوندىرىس بويىنشا 36 بورىشكەر تارتىلدى. بورىشكەرلەردى اكىمشىلىك جاۋاپكەرشىلىككە تارتۋ بويىنشا قابىلدانعان شارالاردان كەيىن بورىشكەرلەردىڭ ءوز مىندەتتەمەلەرىن ورىنداۋىنىڭ 41%-عا ۇلعايۋى بايقالادى»، - دەپ حابارلادى الماتى قالاسى ادىلەت دەپارتامەنتى باسشىسىنىڭ ورىنباسارى جاڭاباي اعمانوۆ.
سونىمەن قاتار، اليمەنت بويىنشا 6 بورىشكەر سوت اكتىلەرىن ورىنداماعانى ءۇشىن قىلمىستىق جاۋاپكەرشىلىككە تارتىلدى. سوتتالعاندار ۇزاق ۋاقىت بويى كامەلەتكە تولماعان بالالاردى كۇتىپ-باعۋعا اليمەنت تولەۋ جونىندەگى مىندەتتەردى ورىنداماعان. ەكى الماتىلىققا قاتىستى ۇكىم شىعارىلىپ، ءتورت ءىس اقتالمايتىن نەگىزدەر بويىنشا قىسقارتىلدى.
«بورىشكەرلەردى اكىمشىلىك جانە قىلمىستىق جاۋاپكەرشىلىككە تارتۋ سياقتى ىقپال ەتۋ شاراسى ءتيىمدى ەكەنىن كورسەتتى. ناتيجەسىندە بورىشكەرلەر 85 ملن تەڭگەدەن استام سوما كولەمىندە بەرەشەكتەرىن تولەدى»، - دەدى سپيكەر.
الماتى قالاسىنىڭ ادىلەت دەپارتامەنتىندە پروبلەمالىق اليمەنت بويىنشا بارلىعى 1776 ءىس بار. پروبلەمالىق اليمەنتتەردىڭ سانىن ازايتۋ ماقساتىندا ادىلەت دەپارتامەنتى جەكە سوت ورىنداۋشىلارىنىڭ وڭىرلىك پالاتاسىمەن، پوليسەيلەرمەن جانە حالىقتى جۇمىسپەن قامتۋ ورتالىعىمەن بىرلەسىپ، بورىشكەرلەردى اكىمشىلىك جانە قىلمىستىق جاۋاپكەرشىلىككە تارتۋ، سونداي-اق بورىشكەرلەردى جۇمىسقا ورنالاستىرۋ بويىنشا جسو-نىڭ مەموراندۋمى مەن ءىس-قيمىل الگوريتمىنە قول قويدى. 2022 جىلدىڭ باسىنان باستاپ 57 بورىشكەر جۇمىسقا ورنالاستى.