تۇرمىسى ناشار وتباسىلاردان شىققان بالالاردى قولداۋ جوباسى ىسكە قوسىلادى.
بۇل جايىندا «اشىق» نقا پورتالىندا جاريالانعان بالالاردى زورلىق-زومبىلىقتان قورعاۋ، ءسۋيسيدتىڭ الدىن الۋ، ولاردىڭ قۇقىقتارى مەن سالاماتتىعىن قامتاماسىز ەتۋ جونىندەگى 2023 – 2025 جىلدارعا ارنالعان كەشەندى جوسپاردا جازىلعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
«الەۋمەتتىك پاترونات» جوباسى تۇرمىسى ناشار وتباسىلاردان شىققان بالالاردى الەۋمەتتىك قىزمەتتەرمەن جان-جاقتى سۇيەمەلدەۋگە مۇمكىندىك بەرەدى. بۇل قىزمەت ومىرلىك قيىن جاعدايعا نەمەسە الەۋمەتتىك پروبلەمالارعا تاپ بولعان وتباسىلارعا قولداۋ كورسەتۋگە جانە ولارعا جاردەمدەسۋگە باعىتتالعان باستاما»، - دەلىنگەن قۇجاتتا.
نەگىزگى ماقسات - ولاردىڭ ءومىرىنىڭ ءارتۇرلى اسپەكتىلەرىنە قولداۋ كورسەتۋ جانە كومەكتەسۋ ارقىلى از قامتىلعان وتباسىلاردىڭ ءال-اۋقاتى مەن ءومىر ءسۇرۋ ساپاسىن ارتتىرۋ. الەۋمەتتىك پاترونات وتباسىلىق قاتىناستاردىڭ بۇزىلۋى، اتا-انا تاربيەسى ماسەلەلەرى، وتباسىنداعى زورلىق-زومبىلىق نەمەسە باسقا دا قيىندىقتار بويىنشا ءتۇرلى جاعدايعا تاپ بولعان وتباسىلارعا باعىتتالعان جوبا.
بۇل جوبادا اياسىندا الەۋمەتتىك قىزمەت سالاسىنداعى تاجىريبەلى ماماندار قامتىلادى. ولار جەكە قولداۋ، كەڭەس بەرۋ، جانجالداردى شەشۋگە كومەكتەسۋ سياقتى جۇمىستارعا تارتىلىپ، الەۋمەتتىك قىزمەتتەر مەن رەسۋرستاردى الۋعا قولداۋ جاسايدى.
سونىمەن قاتار، ءار مەكتەپتە بالانىڭ الەۋمەتتىك ءال-اۋقاتىن قامتاماسىز ەتۋگە باعىتتالعان الەۋمەتتىك پەداگوگتىڭ مىندەتتى لاۋازىمىن ەنگىزۋ ۇسىنىلىپ وتىر.