دۇنيەجۇزىلىك دەنساۋلىق ساقتاۋ ۇيىمى ۇسىنعان دەرەككە قاراعاندا، شىلدە ايىنىڭ 13-30 كۇندەرى ارالىعىندا الەمدە ميلليوننان استام ادام كوروناۆيرۋس ينفەكسياسىنا شالدىعىپ، 3 مىڭنان اسا ادام قايتىس بولعان، دەپ حابارلايدى Almaty-akshamy.kz.
ددۇ ءۇن پاراقشاسىنىڭ اقپاراتى بويىنشا، الدىڭعى 28 كۇنمەن سالىستىرعاندا اتالمىش ينفەكسيا جۇقتىرۋشىلاردىڭ سانى 7%-عا ءوسىپ، ءولىم-جىتىم سانى 53%-عا ازايعان.
COVID-19 ءالى دە كۇشىندە ەكەنى ناقتىلانعاندىقتان اتالعان ۇيىم مەملەكەتتەردى اۋرۋعا قارسى قۇرعان ينفراقۇرىلىمداردى ءالى ساقتاۋعا شاقىرىپ وتىر.
«الەمدە ءتورت اپتا ىشىندە 1 008 194 ينفەكسيا جۇقتىرۋ جانە 3 132 كىسى ءولىمى تىركەلدى. توتەنشە جاعداي رەجيمىنىڭ اياقتالۋىنا قاراماستان، COVID-19 ءالى دە ۇلكەن ءقاۋىپ رەتىندە سانالادى. قاداعالاۋ، ەسەپ بەرۋ، كوروناۆيرۋس دەرتىنىڭ الدىن الۋ، ەرتە كلينيكالىق كومەك كورسەتۋ، جوعارى ءقاۋىپتى توپتارعا جاتاتىندارعا قايتا ۆاكسينالاۋ جۇرگىزۋ وتە ماڭىزدى»، دەلىنگەن مالىمدەمەدە.