وتكەن جىلى قازاقستاندا 403،9 مىڭ بالا دۇنيەگە كەلدى، ال 2021 جىلى 446،4 مىڭ بالا تۋعان.
بۇل دەرەكتى ۇلتتىق ستاتيستيكا بيۋروسى ۇسىنعان، دەپ حابارلايدى Almaty-akshamy.kz.
2022 جىلى تۋعان سابيلەردىڭ 51،5%-ى ۇلدار، 48،5%-ى قىزدار.
بۇل رەتتە جاڭا تۋعان نارەستەلەردىڭ باسىم بولىگى (241،4 مىڭ بالا نەمەسە 59،8%) قالالاردا تۋعان، قالعان 162،4 مىڭ بالا - اۋىلدىق جەرلەردە (40،2%) تۋعان.
2022 جىلى تۋۋدىڭ جالپى كوەففيسيەنتى 1000 ادامعا شاققاندا 20،57 قۇرادى، 2021 جىلى ول 1000 ادامعا شاققاندا 23،50 بولعان.
بالا تۋۋدىڭ ەڭ جوعارى دەڭگەيى ماڭعىستاۋ (1000 تۇرعىنعا 28،53 ادام)، تۇركىستان (27،67) وبلىستارىندا جانە شىمكەنتكە (27،13) بايقالادى.
تۋۋدىڭ ەڭ تومەنگى دەڭگەيى سولتۇستىك قازاقستان (1000 تۇرعىنعا شاققاندا 10،96)، قوستاناي (12،42) جانە شىعىس قازاقستان وبلىستارىندا (12،96) تىركەلدى.