مەملەكەت باسشىسى «اكىمشىلىك قۇقىقبۇزۋشىلىق تۋرالى كودەكسكە وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى.
پرەزيدەنت ماقۇلداعان جاڭا زاڭدا حالىقتى ساپالى ينتەرنەتپەن قامتاماسىز ەتۋگە باعىتتالعان شارالار قاراستىرىلعان، دەپ حابارلايدى Almaty-akshamy.kz.
ەسكە سالا كەتەيىك، بۇعان دەيىن مەملەكەت باسشىسى بايلانىس سالاسىنداعى تۇتىنۋشىلاردىڭ قۇقىقتارىن قورعاۋدى تاپسىرعان بولاتىن. تاپسىرماعا سايكەس، سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى بايلانىس قىزمەتتەرىنە قاتىستى جاۋاپكەرشىلىكتى كۇشەيتۋ ماقساتىندا جاڭا تالاپتار مەن وزگەرتۋلەر ەنگىزدى.
«ءبىزدىڭ مينيسترلىك ءتيىستى ۇيىمدار مەن بايلانىس وپەراتورلارىنا ايىپپۇل مولشەرىن كوبەيتتى. ەندى بۇزۋشىلىقتار انىقتالعان جاعدايدا بايلانىس وپەراتورلارى 100 اەك ورنىنا 1000 اەك-كە ايىپپۇل سالادى. ساپاسىز ينتەرنەت بولعان جاعدايدا تۇرعىندار ءبىزدىڭ مينيسترلىككە ەلەكتروندى ۇكىمەت جانە ە-وتىنىش پلاتفورماسى ارقىلى ارىز-شاعىمدارىن ايتا الادى»، - دەيدى ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ باسپا ءسوز حاتشىسى ەرحان تاتكەن.