يندۋستريا جانە ينفراقۇرىلىمدىق دامۋ مينيسترلىگى 1 اقپاندى ازاماتتىق اۆياسيا كۇنى دەپ بەلگىلەۋدى ۇسىندى.
اشىق ۇكىمەت پورتالىندا «ق ر مەرەكەلىك كۇندەردىڭ تىزبەسىن بەكىتۋ تۋرالى» ۇكىمەتتىڭ №689 قاۋلىسىنا وزگەرىس پەن تولىقتىرۋ ەنگىزۋ تۋرالى جاڭا قاۋلى جاريا تالقىعا شىعارىلدى، دەپ حابارلايدى Almaty-akshamy.kz.
«كورسەتىلگەن قاۋلىمەن بەكىتىلگەن قازاقستان رەسپۋبليكاسىنداعى مەرەكەلىك كۇندەردىڭ تىزبەسىندە: مىناداي مازمۇنداعى تارماقتارمەن تولىقتىرىلسىن: قازاقستان رەسپۋبليكاسىنىڭ ازاماتتىق اۆياسيا كۇنى – 1 اقپان؛ كەڭەس اسكەرى شەكتەۋلى كونتينگەنتىنىڭ اۋعانستان دەموكراتيالىق رەسپۋبليكاسىنان شىعارىلعان كۇنى – 15 اقپان»، - دەپ جازىلعان قاۋلى جوباسىندا.
يندۋستريا مينيسترلىگىنىڭ مالىمەتىنشە، اتالعان باستامانى قازاقستان ازاماتتىق اۆياسيا كاسىپورىندارىنىڭ بىرلەسكەن سوعىس جانە ەڭبەك ارداگەرلەر كەڭەسى ۇسىنعان.
جوبانى قابىلداۋ تەرىس الەۋمەتتىك-ەكونوميكالىق جانە قۇقىقتىق سالدارعا الىپ كەلمەيدى.