جەتىسۋ وبلىسىندا ءبىلىم سالاسىنداعى قىلمىستىق توپ 4،4 ملرد تەڭگە ۇرلاعان. ولار بۇل پروسەستى 2،5 جىل جۇزەگە اسىرعان.
سىبايلاس جەمقورلىققا قارسى ءىس-قيمىل اگەنتتىگى ءتوراعاسى، سىبايلاس جەمقورلىققا قارسى قىزمەتتىڭ گەنەرال-مايورى اسحات جۇماعالي ءبىلىم سالاسىنداعى جەمقورلىق تۋرالى ايتتى، دەپ حابارلايدى Almaty-akshamy.kz Azattyq Ruhy-نا سىلتەمە جاساپ.
«تەك جەتىسۋ وبلىسىندا قالالىق ءبىلىم ءبولىمىنىڭ قىزمەتكەرلەرى 2،5 جىل ىشىندە 4،4 ملرد تەڭگەنى ۇرلاعان. قىلمىستىق توپقا باسشى جانە ەكى ءبىلىم بەرۋ بۋحگالتەرى، سونداي-اق 13 مەكتەپ بۋحگالتەرلەرى كىردى. مۇنداي قىلمىستىق سحەمالار ەلدىڭ بارلىق اۋماعىندا انىقتالدى. الماتى، شىمكەنت قالالارىندا، قىزىلوردا، اقتوبە جانە الماتى وبلىستارىندا ەڭ ءىرى جىمقىرۋ فاكتىسى تىركەلدى. ماسەلەن، جەمقورلىق تاۋەكەلدەرىنە سىرتقى تالداۋ ناتيجەلەرى بويىنشا بيۋدجەت اقشاسىن جىمقىرۋدىڭ تۇراقتى تاسىلدەرى اشىلدى»، - دەدى جۇماعالي.
ول اتاعانداي، قىزمەتكەردىڭ جالاقىسىنا ونىڭ لاۋازىمىنا قاراعاندا الدەقايدا كوپ اقشا اۋدارعان.
«جالاقى مەكتەپتە مۇلدەم جۇمىس ىستەمەيتىن ادامدارعا اۋدارىلعان. قىزمەتكەردىڭ كارتا-شوتتارىنا جالاقى ەسەپتەلىپ، ال تولەمدەردە باسقا تۇلعانىڭ تەگى كورسەتىلگەن. ءبىر ادامعا اقشا اۋدارىمدارىن بىرنەشە رەت اۋدارعان. ولار اقشانى «ءولى جاندارعا» - تۋىستارى مەن جاقىندارىنا اۋدارعان. جوعارىدا اتالعان بارلىق جىمقىرۋ ادىستەرى ءبىر سحەما ارقىلى جۇزەگە اسىرىلادى. الدىمەن بۋحگالتەر تولەم قۇجاتتارىن ۆەدومستۆولىق ەسەپ جۇيەلەرىنەن تۇسىرەدى. ءارى قاراي، قاجەتتى تۇزەتۋلەر قولمەن ەنگىزىلىپ، بۇرمالانعان مالىمەتتەرى بار قۇجاتتار كەيىن تولەمگە جىبەرىلەدى.مۇنداي مانيپۋلياسيالار مەكتەپتىڭ اتالعان بۋحگالتەرلىك ەسەپ جۇيەلەرى، ۇلتتىق ءبىلىم بەرۋ بازاسى جانە قازىناشىلىق-كليەنت بازاسى اراسىنداعى ينتەگراسيانىڭ بولماۋىنا بايلانىستى جۇزەگە اسقان. وسىنداي فاكتىلەردى بولدىرماۋ ماقساتىندا كەڭەس قورىتىندىسى بويىنشا ۋاكىلەتتى ورگاندار اراسىندا ءبىلىم بەرۋ سالاسىنداعى سىبايلاس جەمقورلىق تاۋەكەلدەرىن جويۋ جونىندەگى «جول كارتاسىنا» قول قويىلدى»، - دەدى اسحات جۇماعالي.