قازاقستاندا اۆتوكومپونەنتتەر شىعاراتىن كاسىپورىندار اشىلادى
ۇكىمەت وتىرىسىندا ييدم باسشىسى قايىربەك وسكەنبايەۆ وتاندىق كاسىپورىنداردىڭ اۆتوموبيلدەر مەن اۋىل شارۋاشىلىعى تەحنيكاسى وندىرىستەرىن جەرگىلىكتەندىرۋ تۋرالى ۋاعدالاستىقتاردى ورىنداۋىنا قاتىستى تەكسەرىس جۇرگىزگەنىن مالىمدەدى. ساراپشىلار الماتى، قوستاناي جانە ورال قالالارىنداعى 3 زاۋىتتى ارالادى، دەپ حابارلايدى Almaty-akshamy.kz
بۇدان باسقا، شاعىن توراپتى قۇراستىرۋ جانە كومپونەنتتەردى (اينالاردىڭ كورپۋستارى، بامپەرلەر، دوڭعالاق ديسكىلەرى، شينالار جانە ت.ب.) ءوندىرۋ بويىنشا مىندەتتەمەلەرگە باسا نازار اۋدارۋ ءۇشىن ونەركاسىپتىك جيناۋ تۋرالى بارلىق كەلىسىمگە تالداۋ جۇرگىزەتىنىن حابارلادى. باسقاشا ايتقاندا، پرەفەرەنسيالاردى الۋشى زاۋىتتارعا جينالاتىن تەحنيكانى قازاقستاندا شىعارىلعان بولشەكتەرمەن قۇراستىرۋدى مىندەتتەيدى. ول ءۇشىن جاڭا وندىرىستەر قۇرۋ، مۇمكىن تاجىريبەلى شەتەلدىك كومپانيالاردىڭ قاتىسۋىمەن پىسىقتاۋ قاجەت بولادى.
«جەرگىلىكتەندىرۋ دەڭگەيىن ارتتىرۋ ءۇشىن ييدم اۆتوكومپونەنتتەردى ءوندىرۋ بويىنشا قادامدىق ءىس-قيمىل جوسپارىن جاسادى. سونداي-اق بىرلەسكەن ءوندىرىس قۇرۋ جانە ينۆەستيسيالار تارتۋ ءۇشىن سەرتيفيكاتتالعان جەتكىزۋشىلەردى تارتۋ ماسەلەسىن پىسىقتاپ جاتىرمىز. اتقارىلعان جۇمىس قورىتىندىسى بويىنشا ۇكىمەتكە وسى جىلدىڭ مامىر ايىنا دەيىن ءتيىستى اقپارات ەنگىزىلەدى»، - دەدى مينيستر.