ەلدە تۇڭعىش رەت اۋىل مەكتەپتەرىنىڭ وقۋشىلارىنا ارنالعان رەسپۋبليكالىق پاندىك وليمپيادا باستالدى، دەپ حابارلايدى اlmaty-akshamy.kz «حابار 24»-كە سىلتەمە جاساپ.
وعان 90 مىڭعا جۋىق وقۋشى قاتىسادى. بايقاۋ 3 كەزەڭنەن تۇرادى. اقتىق سىنعا مىڭعا جۋىق بالا ىرىكتەلەدى. 9-11 سىنىپ وقۋشىلارى 13 ءپان بويىنشا ءبىلىمىن سىنايدى. 3ء-شى كەزەڭ قورىتىندىسى كوكتەمدە ءمالىم بولادى دەپ كۇتىلىپ وتىر.
نەگىزگى ماقسات – اۋىل مەكتەپتەرىنىڭ قابىلەتىن انىقتاپ، قولداۋ كورسەتۋ. تەست ونلاين فورماتتا وتەدى. وقۋشىنىڭ ارەكەتى بەينەباقىلاۋ كامەراسىمەن قاداعالانادى جانە قازىلار القاسىنا ولاردىڭ ءاتى-جونى جاسىرىلادى.
عاني بەيسەمبايەۆ، ق ر وقۋ-اعارتۋ ءمينيسترى: - بۇل – اۋىل مەكتەپتەرىندەگى ءبىزدىڭ وقۋشىلارىمىزعا تەڭ مۇمكىندىك تۋدىرتۋ، جانە ولاردىڭ دا ءبىلىمىن اشىق كورسەتۋگە جاعداي جاساۋ، موتيۆاسيا بەرۋ. ءبىزدىڭ ەڭ جەتىستىگىمىز – بولاشاقتا وسى وليمپيادانىڭ نەگىزىندە اۋىل مەكتەپتەرىنەن شىققان رەسپۋبليكالىق وليمپيادا جەڭىمپازدارىن ارنايى دايىندىقتان وتكىزىپ، ولاردىڭ دا حالىقارالىق وليمپياداعا قاتىسۋعا مۇمكىندىگىن ارتتىرۋ.
عاجدەنبەك تۇرسىنوۆ، «دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى: - وقىتۋ باعدارلاماسى ءارتۇرلى بولعاندىقتان، اۋىلدىڭ بالالارىنىڭ رەسپۋبليكالىق وليمپيادانىڭ قورىتىندى كەزەڭىنە وتۋگە مۇمكىندىگى بولماي جاتادى. وسىنى بولدىرماس ماقساتىندا تۇڭعىش رەت اۋىل بالالارىنا ارنالعان وسىنداي وليمپيادانى وتكىزىپ وتىرمىز. جالپى ءاربىر فيناليست بالانى وقۋ-جاتتىقتىرۋ جيىنىنا شاقىرىپ، سىرتتاي وقۋ مەكتەپتەرىنە شاقىرامىز.