ۇكىمەت ەڭ ءىرى 6 اۋەجايدىڭ اۋماعىندا اەا اشۋ تۋرالى شەشىم قابىلدادى، دەپ حابارلايدى aqshamnews.kz.
ينفراقۇرىلىمدى دامىتۋعا باسا نازار اۋدارىلۋدا. ۇكىمەت مەملەكەت باسشىسىنىڭ تاپسىرمالارىن جۇزەگە اسىرۋ شەڭبەرىندە اۆياسيا سالاسىن دامىتۋ، سونداي-اق قازاقستان اۋماعىندا حالىقارالىق اۋە حابتارىن قۇرۋ بويىنشا جۇمىس جۇرگىزۋدە.
«ءبىز ەلىمىزدىڭ ەڭ ءىرى 6 اۋەجايى اۋماعىندا ارنايى ەكونوميكالىق ايماق اشۋ تۋرالى شەشىم قابىلداپ وتىرمىز»، — دەپ اتاپ ءوتتى پرەمەر-مينيستر ولجاس بەكتەنوۆ. ولار حالىقارالىق ارەنادا باسەكەگە قابىلەتتى بولۋى ءتيىس. سوندىقتان ينفراقۇرىلىمدى دامىتۋعا جانە جۇك تاسىمالداۋشىلار ءۇشىن قولايلى جاعداي جاساۋعا باسا نازار اۋدارىلادى. اۋە حابتارىن دامىتۋ ماقساتىندا، كولىك مينيسترلىگىنىڭ مالىمەتىنشە، اەا اشۋدان باسقا دا ءبىرقاتار شارا قاراستىرىلعان. بۇل – كەدەندىك وڭايلاتۋلار، جۇك تاسىمالداۋشىسىن قۇرۋ، جانارمايمەن قامتاماسىز ەتۋ جانە ينفراقۇرىلىمدى جاڭعىرتۋ.التى اۋە حابىن جاڭعىرتۋعا $2،1 ملرد قاراجات تارتۋ جوسپارلانىپ وتىر.
پرەمەر-مينيستر مۋلتيمودالدى تاسىمالداۋدى جاقسارتۋدىڭ جانە جەرۇستى ينفراقۇرىلىمىن جاڭارتۋدىڭ، سونىڭ ىشىندە اۋە حابتارىن اۆتوموبيل جانە تەمىرجولدارعا قوسۋدىڭ ماڭىزدىلىعىنا توقتالدى.