ورتالىقتا جىل سايىن 20 مىڭعا جۋىق ايەلگە قولداۋ كورسەتىلەدى.
ايەلدەردى قولداۋ ورتالىقتارىن بارلىق وڭىرلەردە قۇرۋ جوسپارلانعان، دەپ حابارلايدى Almaty-akshamy.kz
بۇل تۋرالى ۇكىمەت وتىرىسىندا ق ر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ ايتتى.
ونىڭ ايتۋىنشا، 2025 جىلعا دەيىنگى حالىق تابىسىن ارتتىرۋ جونىندەگى باعدارلاما اياسىندا جاستاردى جۇمىسقا باۋلۋ جانە ىنتالاندىرۋ ءۇشىن زاڭناماعا «جاس جۇمىسشى» ۇعىمى ەنگىزىلەدى. ولار ءۇشىن سىناق مەرزىمى الىنىپ تاستالادى. سونىمەن قاتار باسقا وڭىردەن كەلگەن جاستارعا تۇرعىن ءۇي جالداۋ ءۇشىن كوتەرمە جاردەماقى ەنگىزۋ بويىنشا ءىس-شارالار قولدانىلادى.
«كوپ بالالى وتباسىلار مەن مۇگەدەكتىگى بار بالالاردى تاربيەلەپ وتىرعان وتباسىلار ءۇشىن قازىرگى كەزدە قىزمەت ەتەتىن ۇلگىدەگى ايەلدەردى قولداۋ ورتالىقتارىن بارلىق وڭىرلەردە قۇرۋ جوسپارلاۋدا. بۇل ورتالىقتاردا جىل سايىن 20 مىڭعا جۋىق ايەلگە كەشەندى قولداۋ كورسەتىلەدى»، - دەدى سەرىك شاپكەنوۆ.