الماتى ەنەرگەتيكا جانە بايلانىس ۋنيۆەرسيتەتىندە قازاقستاندا اتوم ەنەرگەتيكاسىن دامىتۋعا ارنالعان دوڭگەلەك ۇستەل ءوتتى. شارادا ۋنيۆەرسيتەتتىڭ جىلۋ جانە ەنەرگەتيكالىق قوندىرعىلار كافەدراسىنىڭ مەڭگەرۋشىسى اندرەي كيبارين اەس سالۋ جاعدايىندا قاجەتتى كادرلاردى دايارلاۋ مۇمكىندىكتەرى تۋرالى پىكىر ءبىلدىردى، دەپ حابارلايدى aqshamnews.kz
- ەگەر رەفەرەندۋمدا اەس سالۋ تۋرالى وڭ شەشىم قابىلدانسا، بىزگە وسى سالادا بىلىكتى ماماندار قاجەت بولادى، - دەپ اتاپ ءوتتى تالقىلاۋ قاتىسۋشىسى. - ارينە، اتوم ەنەرگەتيكاسىنىڭ دامۋىنا بايلانىستى جاڭا باعىتتار قوسىلادى. مۇنداي ماماندار ءۇشىن تەك كاسىبي ءبىلىم عانا ەمەس، سونىمەن قاتار جاعدايدىڭ وزگەرۋىنە جىلدام بەيىمدەلىپ، دۇرىس شەشىم قابىلداي ءبىلۋ قابىلەتى دە ماڭىزدى. بۇل ءۇشىن تەوريامەن قاتار، بەلسەندى تاجىريبە دە قاجەت. ءبىز قازىردەن باستاپ وسى ماسەلەگە كوڭىل ءبولۋىمىز كەرەك. بۇل ماقساتتا مودەلدەۋ مەكتەبى، جاتتىعۋ ورتالىقتارى جانە يادرولىق فيزيكا ينستيتۋتىمەن بەلسەندى ىنتىماقتاستىق ماڭىزدى ءرول اتقارادى. بىزدە الەمنىڭ جەتەكشى جوعارى وقۋ ورىندارىمەن سەرىكتەستىك ورناتۋ ارقىلى دايىندالۋعا جەتكىلىكتى ۋاقىت بار، - دەدى ول.