«قازاقستان تەمىر جولى» كومپانياسى پرەزيدەنت تاپسىرماسى اياسىندا 4 مىڭ شاقىرىمنان استام تەمىرجول ۋچاسكەسىن جوندەدى، - دەپ حابارلايدى اqshamnews.kz ءتىلشىسى.
مەملەكەت باسشىسى پويىزداردىڭ قوزعالىس قاۋىپسىزدىگىن كۇشەيتۋ جانە جىلدامدىعىن ارتتىرۋ ءۇشىن جالپى 11 مىڭ شاقىرىم تەمىر جولدى قايتا جوندەۋدى تاپسىرعان بولاتىن.
ۇلتتىق كومپانيا باسشىلىعىنىڭ مالىمەتىنشە، جۇمىس بەلگىلەنگەن كەستە بويىنشا ءجۇرىپ جاتىر. بۇگىنگە دەيىن 4 375 شاقىرىم جولدا جوندەۋ جۇمىستارى جۇرگىزىلگەن. قولدانىستاعى جەلىلەردى جاڭارتۋمەن قاتار، جاڭا تەمىرجول باعىتتارى سالىنىپ، ۇزىندىعى شامامەن 3 مىڭ شاقىرىم بولاتىن ۋچاسكەلەردە زاماناۋي اۆتوبلوكتاۋ جۇيەلەرى ەنگىزىلۋدە.
«مەملەكەت باسشىسىنىڭ 11 مىڭ شاقىرىم تەمىر جولدى جوندەۋ جونىندەگى تاپسىرماسىن ورىنداۋ اياسىندا قازىرگى ۋاقىتتا 4 375 شاقىرىمدا جۇمىس جالعاسىپ جاتىر. سونىمەن قاتار 7 ۋچاسكەدە اۆتوبلوكتاۋ جۇيەسىن جاڭعىرتۋ جانە ەنگىزۋ بويىنشا جۇمىستار جۇرگىزىلۋدە. بۇل جۇمىستاردى كەلەسى جىلى تولىق اياقتاۋ جوسپارلانىپ وتىر»، – دەدى «قتج» ۇك» اق باسقارما ءتوراعاسى.