قازاقستاندا جەر پايدالانۋشىلاردىڭ نەمقۇرايلىعىنان 90 ملن گەكتار اۋماق ەروزياعا ۇشىراعان.
بۇل تۋرالى ق ر اۋىل شارۋاشىلىعى ءمينيسترى ەربول قاراشوكەيەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جەرگىلىكتى حالىقتى جايىلىممەن قامتاماسىز ەتۋ ماسەلەسىن شەشۋ ءۇشىن كەشەندى شارالار قابىلداۋ قاجەت. قازىرگى ۋاقىتتا جەر ۋچاسكەلەرىنىڭ مەنشىك يەلەرى مەن جەر پايدالانۋشىلاردىڭ جەرگە نەمقۇرايلىعىنان ەروزياعا ۇشىراعان جانە ەروزيالىق-قاۋىپتى جەرلەر 90 ملن گەكتاردان اسادى، ونىڭ 29،3 ملن گەكتارى ءىس جۇزىندە ەروزياعا ۇشىراعان جانە ودان ءارى پايدالانۋعا جارامسىز»، - دەدى ە. قاراشوكەيەۆ ۇكىمەتتىڭ بۇگىنگى وتىرىسىندا.
وسىعان بايلانىستى، جەرگىلىكتى اتقارۋشى جانە ۋاكىلەتتى ورگاندارمەن بىرلەسىپ، جەردىڭ ودان ءارى توزۋىن بولدىرماۋ، اسىرەسە، ەلدى مەكەندەر ماڭىنداعى جەم-شوپ القاپتارىن جاقسارتۋ شارالارى جۇرگىزىلۋدە.
«پرەزيدەنت تاپسىرماسىن ورىنداۋ ماقساتىندا 2022 جىلدان باستاپ 205،4 ميلليون گەكتار اۋىل شارۋاشىلىعى جەرى سيفرلاندىرىلدى، بۇل رەسپۋبليكانىڭ 272، 5 ميلليون گەكتار اۋماعىنىڭ 75 پايىزىن قۇرادى. سيفرلىق اۋىل شارۋاشىلىعى كارتاسى كونتۋرلار، جول جەلىسى، گيدروگرافيا، ينفراقۇرىلىم وبەكتىلەرى تۋرالى مالىمەتتەرمەن تولىعىپ، حالىقتىڭ جايىلىمعا بايلانىستى پروبلەمالىق ماسەلەلەرىن شەشۋ ءۇشىن جەردىڭ جەم-شوپ سىيىمدىلىعى تۋرالى اقپاراتتى قامتيدى. بۇل كارتا 2024 جىلدىڭ سوڭىندا اياقتالادى جانە اۋىل شارۋاشىلىعى جەرلەرىن ودان ءارى قايتا بولۋگە مونيتورينگ جۇرگىزۋگە نەگىز بولادى»، - دەدى اۋىل شارۋاشىلىعى ءمينيسترى.
ايتا كەتەيىك، قازاقستاننىڭ 15 وبلىسىندا مال جايۋ ءۇشىن 8،9 ملن گەكتار جەر جەتىسپەيدى.