ولاردىڭ ءارقايسىسىنىڭ زەينەتاقى جيناقتارى بار.
ءبىراق ءبىرىڭعاي جيناقتاۋشى زەينەتاقى قورىنا تولەم ءۇشىن جۇگىنبەگەن، دەپ حابارلايدى Almaty-akshamy.kz.
Qazaqstan.tv تاراتقان اقپاراتقا جۇگىنسەك، اتالعان قور جىل سايىن «ازاماتتارعا ارنالعان ۇكىمەت» كورپوراسياسىمەن بىرلەسىپ، وسىنداي زەينەتكەرلەردى انىقتاۋ بويىنشا تەكسەرۋ جۇرگىزەدى. ءساۋىر ايىندا ولارعا قىزمەت كورسەتۋگە كەلىسىم الۋ ءۇشىن sms-حابارلامالار جىبەرىلگەن. ءبىراق زەينەتكەرلەردىڭ تەلەفون نومىرلەرى ءموبيلدى ازاماتتار بازاسىندا تىركەلمەگەن بولىپ شىقتى. سونداي-اق 57 مىڭنان استام ادام ەلىمىزدەن باسقا جاققا تۇراقتى تۇرۋعا كوشىپ كەتكەن. سوندىقتان مەملەكەتتىك كورپوراسيادان تولەم المايتىنى انىقتالدى. زەينەتاقى تاعايىنداۋ ءۇشىن ازاماتتار تۇرعىلىقتى جەرى بويىنشا مەملەكەتتىك كورپوراسيانىڭ بولىمشەلەرىنە ۋاقىتىلى حابارلاسۋى ءتيىس.