مۇنداي پىكىردى وقۋ-اعارتۋ ءمينيسترى عاني بەيسەنبايەۆ ءبىلدىردى.
مينيستر اتا-انالار بالالارىنىڭ «التىن بەلگى» الۋلارى ءۇشىن ءتۇرلى زاڭسىز ارەكەتتەرگە باراتىنىن ايتتى، دەپ حابارلايدى Almaty-akshamy.kz.
«التىن بەلگى» بالادان گورى اتا-اناعا قاجەت سىندى. سەبەبى، اتا-انا ماقتانۋ ءۇشىن، «التىن بەلگىنى» بالاسى الۋ ءۇشىن بارلىق جايتقا بارادى. ەگەر جەمقورلىق فاكتىلەرى وسى اتاقتى الۋ ءۇشىن ءجيى تىركەلەتىن بولسا، وندا بۇل بەلگىنى بەرۋ قانشالىقتى قاجەت دەگەن سۇراق تۇرىندە جۇمىس ىستەيتىن بولامىز. سەبەبى، ءبىلىم ساتىلماۋ كەرەك، ساپا بولۋى كەرەك»، - دەدى وقۋ-اعارتۋ ءمينيسترى عاني بەيسەنبايەۆ.
تالدىقورعاندا سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ءبىرىنشى ورىنباسارى د. مالاحوۆ جانە وقۋ-اعارتۋ ءمينيسترىنىڭ قاتىسۋمەن جيىن وتۋدە. وعان اعارتۋ سالاسىنىڭ بارلىق ماماندارى قاتىسۋدا.
بۇعان دەيىن مينيسترلىك ەڭ كوپ زاڭ بۇزۋشىلىقپەن مۇعالىمدەردى قابىلداۋ فاكتىلەرى تىركەلگەن ايماقتاردى اتاعان بولاتىن. مۇنداي جاعداي بويىنشا الماتى وبلىسىنىڭ قاراساي اۋدانى كوش باسىندا تۇر.