بۇل تۋرالى «ارناۋلى جانە ينكليۋزيۆتى ءبىلىم بەرۋدى دامىتۋ ۇلتتىق عىلىمي-تاجىريبەلىك ورتالىعى» رمك باسشىسى ايگەرىم كۇدەرينوۆا ايتتى.
ەلىمىزدە ارناۋلى جاعداي جاساۋدى تالاپ ەتەتىن مۇمكىندىگى شەكتەۋلى بالالاردىڭ سانى 170 مىڭنان اسادى دەپ حابارلايدى Almaty-akshamy.kz
«بۇگىنگى تاڭدا ەرەكشە ءبىلىم بەرۋدى قاجەت ەتەتىن بالالاردىڭ اراسىندا ارناۋلى جاعداي جاساۋدى تالاپ ەتەتىن مۇمكىندىگى شەكتەۋلى بالالاردىڭ سانى 170 مىڭنان اسادى. ونىڭ ىشىندە ەرتە جاستاعى بالانىڭ سانى 7 مىڭنان استام، مەكتەپكە دەيىنگى بالالاردىڭ سانى 54 مىڭنان استام، مەكتەپ جاسىنداعى بالالاردىڭ سانى 97 مىڭنان استام جانە جاسوسپىرىمدەر سانى 14 990 ەكەن. ونىڭ ىشىندە ءبىلىم جانە تاربيەمەن قامتىلعان 113 994 بالا بار. بۇل رەتتە ينكليۋزيۆتى ءبىلىم بەرۋمەن 2 ەسە بالا قامتىلعانىن اتاپ ءوتۋ كەرەك»، - دەدى ورتالىق باسشىسى.
ونىڭ دەرەگىنشە، 14 مىڭنان استام بالا جالپى بالاباقشالارمەن، 9 799 بالا ارناۋلى بالاباقشالارمەن جانە ارناۋلى توپتارمەن قامتىلعان.
«جالپى ءبىلىم بەرەتىن مەكتەپتەردە 44 مىڭنان استام بالا وقيدى. ارناۋلى مەكتەپتەر مەن ارناۋلى سىنىپتاردا 24 مىڭنان استام بالا ءبىلىم الادى. سونىمەن قاتار كوللەدجدەردە 2 100 ستۋدەنت وقىپ جاتىر. ال ۇيدە وقيتىن بالالاردىڭ سانى – 18 327»، - دەدى ايگەرىم كۇدەرينوۆا.