وسىعان بايلانىستى ق ر پرەمەر-مينيسترى ءا. سمايىلوۆ ءبىرقاتار تاپسىرما بەردى.
بيىل، بولجام بويىنشا، 15 ملن شارشى مەتر تۇرعىن ءۇي پايدالانۋعا بەرىلەدى، دەپ حابارلايدى Almaty-akshamy.kz ۇكىمەتتىڭ رەسمي رەسۋرسىنا سىلتەمە جاساپ.
باسپانا كەزەگىندە تۇرعاندار ءۇشىن تۇرعىن ءۇيدى ءبولۋ «ءبىر تەرەزە» قاعيداتى بويىنشا ءبىر ورتالىقتان، اشىق تۇردە جۇرگىزىلەدى. ونىڭ نەگىزگى وپەراتورى — وتباسى بانكى.
ازاماتتاردى تۇرعىن ۇيمەن قامتاماسىز ەتۋدىڭ جاڭا مەحانيزمدەرى ازىرلەندى. وندا ارەندالىق تولەمدى سۋبسيديالاۋ جانە اۋىلدىق جەرلەردە تۇرعىن ءۇي سالۋ سياقتى قولداۋ شارالارى بار.
بيىل جاڭا مەحانيزمدەر ەسەبىنەن 70 مىڭ ازاماتقا ءۇيدى جالعا الۋ ءۇشىن سۋبسيديا بەرۋ جانە اۋىلدىق جەرلەردە 2،8 مىڭعا جۋىق ادامدى جاڭا باسپانامەن قامتاماسىز ەتۋ جوسپارلانعان.
«ە-قۇرىلىس» جانە «ە-شاڭىراق» اقپاراتتىق جۇيەلەرى، سونداي-اق قالا قۇرىلىسى كاداسترىنىڭ پورتالى ارقىلى تۇرعىن ءۇيدى پايدالانۋعا بەرۋ جونىندەگى دەرەكتەردىڭ ءبىرىڭعاي ەسەبى ەنگىزىلۋدە.
تۇرعىن ءۇي سالاسىنداعى تاسىلدەردى توپتاستىرىپ، ءبىر رەتكە كەلتىرۋ ءۇشىن تۇرعىن ۇي-كوممۋنالدىق ينفراقۇرىلىمدى دامىتۋدىڭ 2026 جىلعا دەيىنگى تۇجىرىمداماسىن قابىلداۋ جۇمىستارى باستالدى.
تۇرعىن ءۇي ساياساتىنداعى جاڭا تاسىلدەر بويىنشا زاڭ جوباسىنىڭ بارلىق ەرەجەسىن پارلامەنت پالاتالارىمەن ساپالى ءارى جەدەل پىسىقتاۋدى قامتاماسىز ەتۋ.
قاجەتتى دەرەكقورلارمەن تولىققاندى ينتەگراسيالاپ، تۇرعىن ءۇي سالاسىنداعى بارلىق اقپاراتتىق جۇيەنى ىسكە قوسۋ جۇمىستارىن اياقتاۋ.