ءىس تەرگەلۋدە.
الماتىنىڭ تۇرعىن الابىندا ۇرلىق جاساپ جۇرگەن كۇدىكتىلەر انىقتالدى، دەپ حابارلايدى Almaty-akshamy.kz Polisia.kz-كە سىلتەم جاساپ.
پوليسيانىڭ مالىمەتىنشە، 31 جاستاعى ك.ەسىمدى ازامات جانە ونىڭ سىبايلاسى 37 جاستاعى ب.ەسىمدى ازامات قالانىڭ الاتاۋ اۋدانىندا ۇرلىق جاساپ جۇرگەن. ولار جاڭا ىقشاماۋداندارداعى كوپ قاباتتى ۇيلەردىڭ كىرەبەرىستەرىنە كىرىپ، جەدەلساتىمەن سوڭعى قاباتقا كوتەرىلىپ، سول جەردەن باسپالداقپەن تومەن ءتۇسىپ، ۆەلوسيپەدتى كوتەرىپ الىپ كەتكەن. كەيىن ونى ارزان باعاعا ساتىپ جىبەرگەن.
«قۇرىلعان جەدەل تەرگەۋ توبى 9 ۇرلىقتىڭ بەتىن اشتى. ايعاقتى زات رەتىندە التى ۆەلوسيپەد تاركىلەندى. قازىرگى ۋاقىتتا ءۇش ۆەلوسيپەد ءوز يەلەرىنە قايتارىلدى. كۇدىكتىلەردىڭ وسىعان ۇقساس اشىلماعان قىلمىستارعا قاتىسى بار-جوعىن تەكسەرۋ جۇمىستارى جۇرگىزىلۋدە»، – دەدى الاتاۋ اۋداندىق پب قاراستى پوليسيا ءبولىمىنىڭ باستىعى قۇماربەك كەنشىنبايەۆ.
بارلىق ەپيزودتار ءبىر وندىرىسكە بىرىكتىرىلدى. قىلمىستىق ءىس ق ر قك-نىڭ 188-بابى بويىنشا تەرگەلۋدە.