ءتىزىم جىلىنا ەكى رەت 1 قاڭتار مەن 1 شىلدەدە جاڭارتىلادى.
ق ر وسك وتىرىسىندا 2023 جىلعى 19 ناۋرىزعا تاعايىندالعان ءماجىلىس جانە بارلىق دەڭگەيدەگى ءماسليحاتتار دەپۋتاتتارىن سايلاۋ ءۇشىن سايلاۋشىلار ءتىزىمىن قالىپتاستىرۋ ماسەلەلەرى تالقىلاندى، دەپ حابارلايدى Almaty-akshamy.kz
ق ر وسك ءتوراعاسىنىڭ ورىنباسارى كونستانتين پەتروۆتىڭ ايتۋىنشا، ورتالىق سايلاۋ كوميسسياسى سايلاۋشىلار ءتىزىمىن جىلىنا ەكى رەت 1 قاڭتار مەن 1 شىلدەدە جاڭارتادى.
«2023 جىلعى 1 قاڭتارداعى جاعداي بويىنشا، ءبىز سايلاۋشىلار تىزىمىنە 11 970 406 سايلاۋشىنى ەنگىزدىك، ولار تۇراقتى تۇراتىن ۋچاسكەلەر بويىنشا الدىن الا بولىنگەن. سايلاۋشىلاردىڭ ەڭ كوپ سانى – تۇركىستان وبلىسىندا (1 177 507)، ەڭ ازى – ۇلىتاۋ وبلىسىندا (138 277)»، - دەدى كونستانتين پەتروۆ.
توقايەۆتىڭ جارلىعىمەن پارلامەنت ءماجىلىسى دەپۋتاتتارىن سايلاۋ 19 ناۋرىزعا تاعايىندالدى. وسك شەشىمى بويىنشا ءماجىلىس پەن بارلىق دەڭگەيدەگى ءماسليحاتتار دەپۋتاتتارىن سايلاۋ ءبىر كۇندە وتەدى.