وڭىرلەردە سۋ باسقان اۋماقتاردى قالپىنا كەلتىرۋ بويىنشا شارالار قابىلدانىپ جاتىر
پرەمەر-مينيستر ءاليحان سمايىلوۆ تجم باسشىسى يۋريي يلينمەن جانە اقتوبە وبلىسىنىڭ اكىمى و. ورازالينمەن، پاۆلودار وبلىسىنىڭ اكىمى ءا. سقاقوۆپەن، باتىس قازاقستان وبلىسىنىڭ اكىمى ع. ەسقالييەۆپەن جانە سولتۇستىك قازاقستان وبلىسىنىڭ اكىمى ق. اقساقالوۆپەن تەلەفون ارقىلى سويلەستى، دەپ حابارلايدى Almaty-akshamy.kz
مينيستر مەن ءوڭىر باسشىلارى ەلدەگى سۋ تاسقىنى جاعدايى تۋرالى باياندادى.
تجم باسشىسىنىڭ حابارلاۋىنشا، بۇگىندە قازاقستاندا 227 ەلدى مەكەن ءقاۋىپتى ايماقتا تۇر. سۋ باسۋعا ءۇش نارسە سەبەپ بولدى. بۇل – قاردى ۋاقىتىلى شىعارماۋ، تازارتىلماعان ارىقتار مەن ەرىگەن سۋلار. قازىرگى تاڭدا سۋ باسۋ ءقاۋپى ەلىمىزدىڭ سولتۇستىك جانە باتىس وڭىرلەرىندە ساقتالىپ وتىر.
ەلدى مەكەندەردى سۋ تاسقىنىنان قورعاۋ ماقساتىندا 2017 جىلى 2021-2023 جىلدارعا ارنالعان سۋ تاسقىنىنا قارسى ءىس-شارالاردىڭ جول كارتاسى ازىرلەنىپ، بەكىتىلدى.
جول كارتاسى اياسىندا 2021 جىلى جۇزەگە اسىرۋ جوسپارلانعان 68 ءىس-شارانىڭ 33ء-ى ورىندالدى جانە 4ء-ى مەرزىمىنەن بۇرىن ورىندالدى.
جالپى، ەلىمىز بويىنشا سۋ تاسقىنى ءقاۋپى بار 1 010 ەلدى مەكەننىڭ 285-ىندە سۋ باسۋ ءقاۋپى ساقتالىپ وتىر. بۇل ورايدا 340 ەلدى مەكەندى سۋ باسۋ ءقاۋپى جويىلىپ، 385 ەلدى مەكەندە سەيىلدى. بيىلعى 31 ناۋرىزداعى جاعداي بويىنشا، قار جامىلعىسىنىڭ اۋدانى 47%-دى قۇرايدى.
بيىل جىلىنۋدىڭ ءبىرىنشى تولقىنى بارىسىندا شقو، بقو، اتىراۋ وبلىستارىندا اۆتوموبيل جولدارىنىڭ 3 ۋچاسكەسىن سۋ باسۋ جاعدايلارى تىركەلدى.
قالىڭ قاردىڭ ەرۋىنە بايلانىستى بولعان ەكىنشى تولقىننىڭ سالدارىنان پاۆلودار وبلىسىنىڭ روجدەستۆەنكا اۋىلىنداعى ەكى تۇرعىن ءۇي، باتىس قازاقستان وبلىسىنىڭ شالعىن اۋىلىنداعى 25 ءۇي مەن 2 الەۋمەتتىك نىسان (قوسكول كەنتىنىڭ حالقى ەۆاكۋاسيالاندى) ەرىگەن قار سۋىنىڭ استىندا قالدى، اقتوبە جانە باتىس قازاقستان وبلىستارىنداعى 3 اۆتوموبيل جولى ۋچاسكەلەرىن سۋ شايىپ كەتتى.
ءوز كەزەگىندە ءوڭىر اكىمدەرى سۋ باسقان اۋماقتاردى قالپىنا كەلتىرۋ بويىنشا قابىلدانىپ جاتقان شارالار تۋرالى باياندادى.
پرەمەر-مينيستر جول كارتاسىن ىسكە اسىرۋدى جەدەلدەتۋدى، كەلىپ تۇسكەن شاعىمدارعا جەدەل ارەكەت ەتۋدى، سۋ باسۋ قاۋىپتەرىن جويۋدى تاپسىردى. سونداي-اق ازاماتتاردىڭ قاۋىپسىزدىگىن قامتاماسىز ەتۋ ءۇشىن بارلىق شارالاردى جۇزەگە اسىرۋعا ەرەكشە نازار اۋدارۋ قاجەت. ءوڭىر باسشىلارى بۇل ماسەلەنى ەرەكشە باقىلاۋعا الۋى ءتيىس.