قازاقستان دارى-دارمەك كولەمىنىڭ 1،6%-ىن نەمەسە 25 ءتۇرىن ۋكراينادان الىپ كەلگەن.
ق ر دەنساۋلىق ساقتاۋ ءمينيسترى اجار عينيات مالىمدەۋىنشە، قازاقستان ۋكراينادان دارى-دارمەك جەتكىزەتىندەرمەن كەلىسىمشارتتى ءبىرجاقتى تارتىپتە بۇزىپ جاتىر، دەپ حابارلايدى Almaty-akshamy.kz
«ءيا، بۇگىنگى تاڭدا گەوساياسي جاعداي وتە كۇردەلى. ءبىراق ءبىز، ابىروي بولعاندا، بارلىق پرەپارات پەن مەديسينالىق بۇيىمعا قاجەتتىلىكتى وتكەن جىلى كونكۋرس وتكىزىپ، پرەپاراتتىڭ 94ء-ىن ساتىپ العان ەدىك. بۇگىنگى تاڭدا «سك-فارماسيا» قويمالارى مەن حابتارعا بارلىق پرەپاراتتىڭ 50%-ى جەتكىزىلدى. پاسيەنتتەرگە قاجەت پرەپارات ماۋسىم ايىنىڭ سوڭىنا دەيىن جەتەدى»، - دەدى مينيستر.
ايتۋىنشا، قازاقستان دارى-دارمەك كولەمىنىڭ 1،6%-ىن نەمەسە 25 ءتۇرىن ۋكراينادان جەتكىزىپ كەلدى. وسى جىلدىڭ باسىندا ۋكرايناداعى جەتكىزۋشىلەر قازاقستانعا بۇل كولەمنىڭ 40-70%-ىن جەتكىزگەن.
«بۇگىنگى تاڭدا زاۋىتتار جابىق. ءبىز ءبىرجاقتى تارتىپپەن كەلىسىمشارتتى بۇزىپ جاتىرمىز جانە قالعان كولەمگە كونكۋرس وتكىزەمىز. ءبىز بۇل جۇمىستاردى 1 شىلدەگە دەيىن اياقتاپ، دارىمەن قامتاماسىز ەتەمىز»، - دەدى ا.عينيات.
سونىمەن قاتار، ءمينيستردىڭ ايتۋىنشا، ۆەدومستۆو دارى-دارمەكتىڭ شەكتى باعاسىن يندەكساسيالاۋدى قاراستىرىپ جاتىر.