كەلىسىم جوباسى ماقۇلداندى
قازاقستان ۇكىمەتى نيكاراگۋا ۇكىمەتىمەن ۆيزالىق تالاپتاردى ءوزارا جويۋ تۋرالى كەلىسىم جوباسىن ماقۇلدادى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
قازاقستاندىقتار ەلگە العاشقى كىرگەن كۇننەن باستاپ ءاربىر 180 كۇندىك كەزەڭ ىشىندە نيكاراگۋادا 30 كۇنگە دەيىنگى مەرزىمگە ۆيزاسىز بولا الادى.
«ەكىنشى تاراپ مەملەكەتىنىڭ اۋماعىندا 30 كۇننەن ارتىق بولۋعا نە ونىڭ اۋماعىندا ەڭبەك نەمەسە كوممەرسيالىق قىزمەتتى جۇزەگە اسىرۋعا نيەتتەنگەن ءبىر تاراپ مەملەكەتىنىڭ ازاماتتارى ەكىنشى تاراپ مەملەكەتىنىڭ ۇلتتىق زاڭناماسىنا سايكەس تالاپ ەتىلەتىن ءتيىستى ۆيزانى الۋى ءتيىس»، - دەلىنگەن قاۋلىدا.
نيكاراگۋا – تىنىق مۇحيتى مەن كاريب تەڭىزىنىڭ اراسىندا ورنالاسقان ورتالىق امەريكاداعى مەملەكەت. ونىڭ لاندشافتىن كولدەر، جانارتاۋلار مەن جاعاجايلار قۇرايدى.
جاقىندا قازاقستان مەن اندوررا ۆيزالىق تالاپتاردان ءوزارا بوساتۋ تۋرالى كەلىسىمگە قول قويدى. ءسىم بۇل ءبىزدىڭ ەلدەرىمىز اراسىنداعى العاشقى ۇكىمەتارالىق كەلىسىم ەكەنىن اتاپ ءوتتى.