ماماندار تالعارعا باردى
ق ر اۋىل شارۋاشىلىعى مينيسترلىگى تالعار قالاسىندا ءيتتىڭ ولەكسەلەرى بار 15 قاپتىڭ تابىلۋىنا قاتىستى تۇسىنىك بەردى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«الماتى وبلىسىنداعى جاعداي بويىنشا ءبىزدىڭ ماماندار تالعارعا باردى. ولار اكىمدىكپەن بىرلەسىپ جۇمىس ىستەپ جاتىر. ولەكسەلەر تالاپقا ساي جويىلىپ، ماتەريال پوليسياعا بەرىلدى. كىنالىلەر ءتيىستى جازاسىن الادى»، - دەدى ق ر اۋىل شارۋاشىلىعى ءمينيسترىنىڭ ورىنباسارى رۇستەم قۇرمانوۆ ورتالىق كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، جانۋارلاردى قورعاۋعا ارنالعان زاڭ اياسىندا ءتيىستى اكتىلەر قابىلداندى. سول سياقتى بيولوگيالىق قالدىقتاردى جويۋ اتالعان ۆەدومستۆومەن كەلىسىلدى.
ايتا كەتسەك، بۇعان دەيىن الماتى وبلىسى تالعار قالاسىندا 15 قاپقا سالىنعان يتتەردىڭ ولەكسەسى تابىلعانى تۋرالى اقپارات تاراعان ەدى.
رۇستەم قۇرمانوۆ بۇگىنگى بريفينگ بارىسىندا، سونداي-اق ەلىمىزدە ۆەتەريناريا سالاسىن رەفورمالاۋدىڭ جول كارتاسى بەكىتىلگەنىن ءمالىم ەتتى. بۇدان بولەك، ۆەتەريناريا قىزمەتىن اكىمدىكتەردەن مينيسترلىك قۇزىرەتىنە قايتارۋ ماسەلەسى، ۆەتەرينار دارىگەرلەردىڭ جالاقىسىن كوتەرۋ شارالارى ايتىلدى.