قانتتى شەتەلدەن اكەلۋ 2-3 اي ۋاقىتتى الادى
3 ايعا جەتەتىن قانت شيكىزاتىن ساتىپ الۋ ءۇشىن قانت زاۋىتتارىنا مەملەكەت تاراپىنان از پايىزبەن نەسيە بەرىلەدى. بۇگىن استانادا وتكەن قانت زاۋىتتارىنىڭ باسشىلارى مەن ساۋدا جانە ينتەگراسيا مينيسترلىگىنىڭ بىرلەسكەن جيىنىندا تاراپتار وسىنداي مەموراندۋمعا قول قويدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قانت زاۋىتتارىن قارجىلاندىرۋ بۇرىن بولماعان. وسى جاڭا باستاما بولىپ وتىر. بۇعان دەيىن ۇكىمەت وتىرىسىندا وسىعان قاتىستى جاڭا ۇسىنىستار ايتىلدى، ەرەجەلەر ماقۇلداندى. بۇعان 4 قانت زاۋىتى، اقشا بەرەتىن ساۋدا جەلىلەرى جانە كوپتەگەن جەتكىزۋشىلەر قاتىسادى. وسى مەموراندۋم اياسىندا اتقارىلاتىن جۇمىستار قانت ماسەلەسىن تولىق شەشىپ بەرەدى. دەگەنمەن قانت زاۋىتتارىنا دا قويىلاتىن ارنايى تالاپ بار. ولار ءبىز بەرەتىن اقشا ەسەبىنەن وندىرىسكە قاجەت بارلىق قۇرال-جابدىقتاردى ساتىپ الۋى ءتيىس. ناقتى ايتسام، بارلىق تەحنيكالىق بازاسىن جاڭارتادى. ءقازىر اۋىل شارۋاشىلىعى مينيسترلىگى قانت سالاسى بويىنشا ءوزىنىڭ باعدارلاماسىن قابىلدادى. بىلۋىمشە، 2027-2028 جىلدارعا قاراي ءوزىمىزدىڭ قىزىلشادان جاسالاتىن قانت 7-دەن 43 پايىزعا وسەدى»، - دەدى ەرجان قازانبايەۆ.
ونىڭ اتاپ وتۋىنشە، قانت زاۋىتتارىن قاردىلاندىرۋ ءۇشىن جالپى سوماسى 43 ملرد تەڭگە قاراجات قاراستىرىلعان. باستاپقىدا بۇل اقشاعا ەلىمىزدەگى 4 ءىرى قانت زاۋىتى ءۇش ايعا جەتەتىن شيكىزات قورىن ساتىپ الۋى ءتيىس. ياعني، 140-150 مىڭ توننا قانت.
«بۇل پروسەسس ۇزاق مەرزىمدى تالاپ ەتەدى. ويتكەنى، قانتتى شەتەلدەن اكەلۋ 2-3 اي ۋاقىتتى الادى. ءبىز بۇعان دەيىن ساۋدا جەلىلەرىمەن، قانت زاۋىتتارىمەن جانە باسقا دا قۇزىرلى ورگان وكىلدەرىمەن كەزدەستىك. ورتاق شەشىم، جەڭىل مەحانيزم تاپتىق. ءىرى كوتەرمە ساۋدا ورتالىقتارى مەن ساۋدا جەلىلەرى بەرەتىن قارجىنىڭ پايىزى مەن وزگە دە شارتتارىن ولار وزدەرى بەكىتەدى. ال ءبىز، ياعني اكىمدىكتەر ارقىلى بەرىلەتىن نەسيەلەردىڭ ۇسەمەاقىسى وتە از. اتاپ ايتسام، ونىڭ ۇستەماقىسى 00،1 پايىز عانا بولماق. ول ءبىزدىڭ قانت زاۋىتتارىنا بارىنشا ءتيىمدى بولۋى ءۇشىن جاسالىپ وتىر»، - دەپ اتاپ ءوتتى ەرجان قازانبايەۆ.
ەسكە سالايىق، بۇعان دەيىن ساۋدا كوميتەتىنىڭ ءتوراعاسى ەرجان قازانبايەۆ الداعى ۋاقىتتا قانت تاپشىلىعى ورىن المايدى جانە ونىڭ باعاسى تومەندەيتىنىن ءمالىم ەتىپ ەدى.